ଲାଗେ ସବୁ ଅଧା ଅଧା

ସପତ ବ୍ରହ୍ମାଣ୍ଡ     ଅଟେ ତୁମ ପିଣ୍ଡ

     ତୁମେହିଁ ଶ୍ରେଷ୍ଠ ପୁରୋଧା

କାହିଁକି କେଜାଣି    ଏ ମନ ବୁଝେନି

     ସବୁ ଲାଗେ ଅଧା ଅଧା ।0।

ସତ୍ୟରେ ନୃସିଂହ  ଅଧା ପଶୁ ଦେହ

     ମାନବ ଶରୀର ଅଧା

ପର୍ଶୁରାମ ରୂପେ   ଏ ଧରଣୀ ବକ୍ଷେ

     କରିଲ କ୍ଷତ୍ରିୟ ପଦା

ତେଜି ରାଜ ପଦ  ବୋଲାଇଲ ବୁଦ୍ଧ

    ସଂସାର ନ ଦେଲା ବାଧା ।୧।

ତ୍ରେତୟାରେ ସୀତା ମାତାଙ୍କୁ ତେଜିଲ

     ଦ୍ଵାପରେ ତେଜିଲ ରାଧା

ଦାରୁବ୍ରହ୍ମ ହେଲ    ସଂସାର ଗଢ଼ିଲ

     ନିଜେ ରହିଗଲ ଅଧା

ସେ ଅଧା ଦେହରେ କି ଭାବ ଅଛିରେ

     ଜଗତ ପଡ଼ିଛି ବନ୍ଧା ।୨।