କଥାକାର ସୁରେନ୍ଦ୍ର

ଓଡ଼ିଆ ସାହିତ୍ୟେ କଥାକାର

ତୁମ୍ଭେ କାଳଜୟୀ,ଯୁଗସ୍ରଷ୍ଟା l

ନୀଳଶଇଳର ନାୟକଙ୍କ ମାନେ

ରାମଚନ୍ଦ୍ର ଜାତି ଭ୍ରଷ୍ଟା l

ଜୀବନ୍ତ ଚରିତ୍ର ପାଇକ ବଧୂ ସେ

ସରଦେଇ ଓ ଜଗୁନୀ l

ରାମଚନ୍ଦ୍ର କାଳବଳେ ଧରିଥିଲେ

ଯବନୀ ରିଜିଆ ପାଣି l

ଦୁର ଗୁପ୍ତବାସୁ ମହାପ୍ରଭୁ ପୁଣି

ନୀଳାଦ୍ରୀ ବିଜୟ କରି l

ନୀଳାଦ୍ରୀ କନ୍ଦରେ ବିଜେ କରିଛନ୍ତି

ପତିତପାବନ ହରି l

କୂଳବୃଦ୍ଧେ ତୁମ୍ଭେ ଚିତ୍ରିତ କରିଛ

ଏ ଜାତି ମହା ବିନ୍ଧାଣି l

ଶତାବ୍ଦୀର ସୂର୍ଯ୍ୟ ଶ୍ରୀମଧୁ ସୂଦନ

ଏ ଜାତିର ଉଦବୋଧନୀ l

ମରାଳର ମୃତ୍ୟୁ ହୋଇଲା ସେଦିନ

କୃଷ୍ଣାବେଣୀ ସନ୍ଧ୍ୟାକାଳେ l

ଅସ୍ତମିତ ହେଲେ ଏ ଜାତି ସୂରୁଜ

ମହା କାଳର କବଳେ l

ପଥ ଓ ପୃଥିବୀ, କବି ଓ ନର୍ତ୍ତକୀ

ଅନ୍ଧ ଦିଗନ୍ତର ବାର୍ତ୍ତା l

ବୁଦ୍ଧମ୍, ଧର୍ମଂ, ସଂଙ୍ଘ ଶରଣମ୍

ସାରିପୁତ୍ତ ଶିଷ୍ୟ କଥା l

ବୁଦ୍ଧ ଚରିତର ଚିତ୍ରିତ ବଖାଣ

ବୁଦ୍ଧ ଯାତକରୁ ଆଣି l

ସମ୍ଭାରେ ଦେଇଛ ପିତା ପୁତ୍ର ଆଦି

କେତେ କେତେ ଯେ କାହାଣୀ l

ଉତ୍କଳ ଐତିହ୍ୟ ଉତ୍କର୍ଷେ ବଖାଣି

ଯୁଗେ ଯୁଗେ ଉତ୍କଳରେ l

ଉତ୍କଳ ସାହିତ୍ୟ ଇତିହାସ ଲେଖି

ପରସିଛ ଯତନରେ l

ମହା କଥାକାର,ମହା ସ୍ତମ୍ଭକାର

ତୁମ୍ଭେ ମହା ସାମ୍ବାଦିକ l

ସୁସ୍ଥ ରାଜନୀତି ରାଜନେତା ତୁମ୍ଭେ

ତୁମ୍ଭେ ମହା ସାହିତ୍ୟିକ l

କାଳବଳେ ସିନା ନାଶ ଯାନ୍ତି ସର୍ବେ

ତନୁଧାରୀ ସଂସାରରେ l

ସୁରେନ୍ଦ୍ର ମହାନ୍ତି ଚିରନ୍ତ ଭାସ୍ୱର

ଉତ୍କଳ ବାଣୀ ଭଣ୍ଡାରେ l