କର୍ତ୍ତବ୍ୟ ପଥେ ପଥଗାମୀ

ଆସ ଭାଇ କର୍ତ୍ତବ୍ୟର ପଥେ ରହିଥିବା

ସମାଜ କଲ୍ୟାଣେ କର୍ମ ନିତ୍ୟେ କରୁଥିବା

      କର୍ମରେ ପ୍ରୀତି ରଖିବା 

ରାଷ୍ଟ୍ର ଶକ୍ତିଶାଳୀ ବନ୍ଧୁ ସେବାରେ କରିବା !

ଉଚିତ ସମୟ ବନ୍ଧୁ ଭାରତେ ଆସିଛି 

ଆତ୍ମନିର୍ଭରରେ ଯୁବା ରାଷ୍ଟ୍ରରେ ହେଉଛି 

      ନୂଆ ନୂଆ ଆବିଷ୍କାର

ଯୁବା ଓ ଯୁବତୀ କରେ କର୍ମ ନିରନ୍ତର !

ଅମୃତ ଏ କାଳ ପରା କର୍ମରୁ ଆସିଛି 

ଅତ୍ୟାଧୁନିକ ର ଚାଷ କୃଷକ କରୁଛି 

     ବୈଜ୍ଞାନିକ ରୀତି ଚାଷ

ପାଏ ଚାଷୀ ଭାଇ ଲାଭ ଅଧିକା ତା ଶସ୍ୟ !

ସଂସ୍କୃତି ସଂସ୍କାର ରକ୍ଷା କର୍ତ୍ତବ୍ୟ ଆମର 

ଧର୍ମ  ସନାତନ  ଅଟେ ବିଶ୍ଵାସ ଦେଶର

       କର ସୁରକ୍ଷା ତାହାର 

ରାଷ୍ଟ୍ର ଦେଉ ଅଛି ମନ୍ତ୍ର ଶାନ୍ତି ଓ ପ୍ରେମର !

ରାମଙ୍କ ବିଶାଳ କ୍ରୀତି ସଂସ୍କୃତି ସଂସ୍କାର

ଶାସନ ରାଷ୍ଟ୍ରର ମନ୍ତ୍ର  ସମଭାବ ଯାର

      କରୁ ଅଛି ତା ଗୁଞ୍ଜନ

ତାର ବଳେ ହୁଏ ପ୍ରାପ୍ତି ରାଷ୍ଟ୍ରର ସୁନାମ !

ଗାଆଁରୁ  ସହର  ଏବେ ଏକ ହିଁ ପ୍ରକାର

ହେଲା  ସୁସଜ୍ଜିତ ଏଵେ ବଡ଼ ହିଁ ସୁନ୍ଦର

     ତହିଁ ପୁଣି ଡିଜିଟାଲ 

ଡ଼ର  ଭ୍ରଷ୍ଟାଚାରୀ ଅତି ହୁଏ କଲବଲ !

ପ୍ରେମ ଶ୍ରଦ୍ଧାଭକ୍ତି ପ୍ରୀତି ରାଷ୍ଟ୍ରେ ଅଙ୍କୁରିତ

କୃଷ୍ଣ ରାମ ଦାରୁବ୍ରହ୍ମ ଗୁଞ୍ଜେ ଅବିରତ

      ନାମ ଗୁଞ୍ଜେ ହନୁମାନ 

ଗାଉ ଛନ୍ତି ଜନ ନାମ ହୋଇଣ ପ୍ରଶନ୍ନ !

ଅପୂର୍ବ ଉତ୍ସାହ ରାଷ୍ଟ୍ରେ ନାହିଁ କା ଅଭାବ

ପୂରଣ କରେ ଶାସନ କୁଟୁମ୍ବର ଭାବ

     ସେବା ହଁ ଶାସନ ମନ୍ତ୍ର

ଦିଶୁ ଅଛି ରାଷ୍ଟ୍ରେ ବନ୍ଧୁ ଏବେ ଲୋକତନ୍ତ୍ର !

ବସୁଧୈବ ଭାବ ରାଷ୍ଟ୍ରେ ହେଲା ଅଙ୍କୁରିତ

ଅନ୍ୟାୟ ଓ ଅତ୍ୟାଚାର ହେଉଛି ସମାପ୍ତ

     ଡ଼ର ଭୟେ ଭ୍ରଷ୍ଟାଚାରୀ 

ନ ପାରନ୍ତି ଆଉ ଏବେ ଭ୍ରଷ୍ଟାଚାର କରି !

ସ୍ବପ୍ନ ଟା ସାକାର ପରି ଜନତା ଜାଣୁଛି 

ସମ୍ମାନ ଆଦର ବହୁ ବିଶ୍ବରେ  ହେଉଛି

      ସ୍ବପ୍ନ ଏହୁ ବିଶ୍ବ ଗୁରୁ 

ଅମୃତ କାଳରେ ତାହା ହୋଇ ଗଲା ଶୁରୁ !

ସଭାପତି ଉତ୍କଳ ସମ୍ମିଳନୀ ଷଢେ଼ଇକଳା ଖରସୁଆଁ ଜିଲ୍ଲାର

    ରାଜନଗର ବ୍ଳକ ଶାଖା ଝାଡ଼ଖଣ୍ଡ ରାଜ୍ୟ !