କୃପାସିନ୍ଧୁ ପ୍ରଭୁ ଶ୍ରୀଜଗନ୍ନାଥ

କୃପାସିନ୍ଧୁ ବଦନ କରି ଅବଲୋକନ

କୃପା ଭିକ୍ଷା ଇଚ୍ଛା ବଳବତୀ ପୁନଃ ପୁନଃ

କୃପା ଦୃଷ୍ଟି ପଡ଼ି ଶାନ୍ତି ଲଭୁ ଏହି ପ୍ରାଣ

କୃପା ର ସାଗର କୃପା କର ହେ ବହନ

କୃପା ଲାଭ ଲଭି କେତେ ପାପୀ ଗଲେ ତରି

କୃପାସିନ୍ଧୁ ଶ୍ରୀଜଗନ୍ନାଥ ହିଁ ସର୍ବୋପରି

କୃପା ର ସାଗର ଶୁଖି ନ ଯାଉ ମୋ ପାଇଁ

କୃପା ଲାଭ ଆଶାରେ ଅଛି ଶ୍ରୀମୁଖ ଚାହିଁ

କୃପା ଲାଭ ପାଇଁ ଯୋଗ୍ୟ କି ନାହିଁ ପରଖ

କୃପା ପ୍ରାପ୍ତି ପଥ ଜାଣି ନାହିଁ ଏ ମୂରୁଖ

କୃପା କରିଅଛ କେତେ ଭକ୍ତ ଜନ ପ୍ରତି

କୃପା ବିନା ଏ ପ୍ରାଣ ସନ୍ତାପୀତ ସମ୍ପ୍ରତି

କୃପା ରେ କୃପଣ କିଆଁ ହେ ପଙ୍କଜ ମୁଖ

କୃପା ନ ଲଭିଲେ ଜାଣିବି ମୋ କର୍ମ ବାଙ୍କ

କୃପା ଜଳ ବିନା ପ୍ରାଣ ଆଉ କି ବଞ୍ଚିବ

କୃପାସିନ୍ଧୁ ନାମ ଯଶ କିପରି ରହିବ

କୃପାସିନ୍ଧୁ,ଭକ୍ତ-ବନ୍ଧୁ ପ୍ରଭୁ ଦୀନବନ୍ଧୁ

କୃପା ଦୃଷ୍ଟି ସହ ପାରି କର ଭବ ସିନ୍ଧୁ