ଦୋଳ ଗୋବିନ୍ଦ

ଫୁଲେଇ ଫଗୁଣେ ସୁବାସିତ ରଙ୍ଗେ

ରାଈ ଦାମୋଦର ଅଙ୍ଗେ

ରଙ୍ଗ ଅବିରର ପିଚକାରୀ ଖେଳେ

ଯୁବ - ଯୁବା ଫଗୁ ଫିଙ୍ଗେ। [୧]

ଗହଳ ଚହଳ ମେଳଣ ମିଳନ

ବିରାଜେ ଦୋଳ ବିମାନ

ଚାରି କାନ୍ଧେ ବାନ୍ଧି ପଟୁଆର ଯାତ୍ରା

ଢୋଲ ଘଣ୍ଟ ଶଙ୍ଖ ଗାନ। [୨]

ପୁତନାର ବଧ ପ୍ରହ୍ଲାଦ ଜୀବିତ

କନ୍ଦର୍ପର କରି ମୃତ

ସ୍ମର ସ୍ମୃତି ପାଇଁ ରାଧା କୃଷ୍ଣ ମେଳି

ଫଗୁଣ ପୂର୍ଣ୍ଣିମା ଯାତ। [୩]

ମୃଦ୍ୟୁ ପ୍ରବାହରେ ଆନନ୍ଦର ବର୍ଷା

ସଞ୍ଚାରି ଧରା ଧାମରେ

ଗ୍ରାମ୍ୟ ଦେବାଳୟେ ଅଗ୍ନି ପ୍ରଦକ୍ଷଣେ

ପାପ ଜାଳି ପୁଣ୍ୟ ଭରେ। [୪]

ଗୋପାଳ ବାଳକ ବାଡେଇ ଲଉଡି

ଭରଇ ମନେ ଆମୋଦ

ଗୋଷ୍ଠେ ଧେନୁଚାରୀ ନନ୍ଦର ନନ୍ଦନ

ଶୋଭିତ ଦୋଳ ଗୋବିନ୍ଦ। [୫]