Library
Profile
ମୂଳୁ ମାରିଲେ ଯିବ ସରି
ମୂଳୁ ମାରିଲେ ଯିବ ସରି
ତରୁ ଲତା ବୃକ୍ଷ ମୂଳ ଉତ୍ପାଟନେ
ସମୂଳେ ନଷ୍ଟ ଯେପରି
ବିପଦ ସୂଚନା ଅୟମାରମ୍ଭରୁ
ସତର୍କତା ସର୍ବୋପରି
ସମ୍ପୂର୍ଣ୍ଣ ବିଲୋପ ବିଛୁଆତି ଲତା
ମୂଳ ଉତ୍ପାଟନ ପରେ
ମନରୁ ସଂଶୟ ଆପେ ଦୂରୀଭୂତ
ଲାଗିବ ନାହିଁ ଦେହରେ
ଆଗ୍ରତମ୍ ଜାଗ୍ରତମ୍ ପ୍ରବାଦର
ତତ୍ତ୍ଵ ସଦା ଗ୍ରହଣୀୟ
ସମସ୍ୟା ଜନିତ ସତର୍କ ପ୍ରାପ୍ତିରେ
ଜାଗ୍ରତ ଭାବ ବିଧେୟ
ପୌରଣିକ ଆଖ୍ୟା ସହିତ ଜଡିତ
ଶତ୍ରୁର ବିନାଶ ଧାରେ
କଂସ ମହାରାଜ ମନରେ ସଂକଳ୍ପ
କୁଟ ମନ୍ତ୍ରଣା ଧାରାରେ
ଅଷ୍ଟମ ଗର୍ଭର ସନ୍ତାନ ହିଁ ଶତ୍ରୁ
ଶୁଣିଲା ଯେବେ କର୍ଣ୍ଣରେ
ଦେବକୀ ଗର୍ଭର ପ୍ରତି ସନ୍ତାନକୁ
ବିନାଶ କଲା ଅଚିରେ
ମୂଳରୁ ମାରିଲେ କଥା ଯିବ ସରି
ଏଇ ଚିନ୍ତାଧାରା ଧାରେ
ପ୍ରତି ନବ ଜାତ ସନ୍ତାନଙ୍କ ପ୍ରତି
ଭାବ ଶତ୍ରୁତା ଦୃଷ୍ଟିରେ
ପୌରଣିକ ଆଖ୍ୟା ପ୍ରାୟ ପ୍ରଚଳିତ
ଚଳନ୍ତି ସଭ୍ୟ ସମାଜେ
ବିଭିନ୍ନ କ୍ଷେତ୍ରରେ ବିଶୃଙ୍ଖଳା ଧାରେ
ପ୍ରବଚନ ବି ସହଜେ
ମାଦକ ଦ୍ରବ୍ୟର ପ୍ରଚାର ପ୍ରସାର
ସର୍ବତ୍ର ବ୍ୟାପକ ପ୍ରାୟ
ସେବନକାରୀ ଓ ବ
୍ୟବସାୟୀ ପ୍ରତି
ଆଇନ ଅମାନ୍ୟ ଭୟ
ଯେଉଁଠି ପ୍ରସ୍ତୁତ ଅବା ଉତ୍ପାଦନ
କଟକଣା ଖୋଲା ମେଲା
କମ୍ପାନୀ ସମ୍ପୂର୍ଣ୍ଣ ଯଦି ହୁଏ ବନ୍ଦ
ହେବ କି ଆଉ ଝାମେଲା !!!
ପ୍ରତି କ୍ଷେତ୍ରେ ପଲିଥିନ୍ ବ୍ୟବହୃତ
କଟକଣା ଓ ବିବାଦ
ମୂଳରୁ କମ୍ପାନୀ ନ କଲେ ପ୍ରସ୍ତୁତ
ହୁଅନ୍ତା କି ଉପଲବ୍ଧ !!
ଜଳ ନିଷ୍କାସନ ପଥ ଅବରୋଧ
ସହରୀ ସଭ୍ୟତା ଧାରେ
କୃତ୍ରିମ ବନ୍ୟାର ବିଭୀଷିକା ଦୃଶ୍ୟ
ମାତ୍ର ଟିକିଏ ବର୍ଷାରେ!!
ଜନ୍ମ ନିୟନ୍ତ୍ରଣ, ବାଳ ଅପରାଧ
ସର୍ବୋପରି ଦର ବୃଦ୍ଧି
ମୂଳ ସ୍ତର ଧାରେ ଦୃଢ଼ ପଦକ୍ଷେପ
ନୁହେଁ କି ଶାସନ ବିଧି !!
ଅନ୍ଧ ବିଶ୍ବାସର ବଶବର୍ତ୍ତି ଧାରେ
ଯନ୍ତ୍ର ମନ୍ତ୍ର ତନ୍ତ୍ର ସାଥେ
ରୋଗ ଓ ସମସ୍ୟା ସମାଧାନ ପଥ
କିମ୍ପା ହୁଏ ଭିନ୍ନ ମତେ !!
ନିୟନ୍ତ୍ରଣ ବିନା ଆହାର ଭୋଜନ
କ୍ରମେ ପ୍ରୁଥୁଳ ଶରୀର
ମୂଳରୁ ପ୍ରାୟତଃ ସତର୍କ ଜରୁରୀ
ସ୍ଵଳ୍ପ ଆହାର ବିଚାର !!
ମୂଳରୁ ମାରିଲେ ଯିବ ସରି ପ୍ରାୟ
କଥା ପ୍ରବଚନ ଧାରେ
ମୂଳ ଛାଡ଼ି ଡାଳ ଛେଦନ ହେଉଛି
ପ୍ରାୟ ପ୍ରତ୍ୟେକ କ୍ଷେତ୍ରରେ
