କର ପ୍ରକୃତିର ପୂଜା
କର ପ୍ରକୃତିର ପୂଜା
ହୁ ହୁ ହୋଇ ବଢ଼େ ତାପମାତ୍ରା
ଋତୁ ହେଉନାହିଁ ଜାଣି,
ଶୀତ ଦିନେ ଝାଳ ବହେ ଗମଗମ
ବର୍ଷାରେ ଝରେନା ପାଣି ।
ଶରତ ବସନ୍ତ ଅନୁଭବ ନାହିଁ
ଗ୍ରୀଷ୍ମ ତ ଦେଉଛି ଦହି,
ଏଡ଼ିକି ପ୍ରଖର ସୂର୍ଯ୍ୟଙ୍କ କିରଣ
ହେଉନାହିଁ ଜମା ସହି ।
ତା' ସାଥିରେ ଅଦିନିଆ ବିଜୁଳି ଓ
ବଜ୍ରପାତ ଘନଘନ,
ଅଂଶୁଘାତ, ବାତ୍ୟା ନେଇ ଯାଉଅଛି
କେତେ ଅମୂଲ୍ୟ ଜୀବନ ।
ଜଙ୍ଗଲ କାଟିକି ପଦା କରିଲେଣି
କଳ କାରଖାନା ଠୁଳ,
ଅବଶ୍ୟ ଲୋକଙ୍କୁ ରୋଜଗାର ଦିଏ
ଅର୍ଥ ହିଁ ସବୁଠି ମୂଳ ।
ପଇସା ଅଭାବେ ଚଳିବା ମୁସ୍କିଲ
ଧନୀରୁ ଗରିବ ଯାଏ,
ପରିବେଶ ସନ୍ତୁଳନ ରକ୍ଷା ହେଲେ
ସମସ୍ୟା ଯାଆନ୍ତା ଛାଏଁ ।
ନିଜ ରୀତି ନୀତି ପାଳନ ସହିତ
କଲେ ପ୍ରକୃତିର ପୂଜା,
ପ୍ରକୋପରୁ ତା'ର ବର୍ତ୍ତିଯିବ ବିଶ୍ଵ
ଥିବ ଋତୁଚକ୍ର ମଜା ।