Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Gunanidhi Samal

Classics

3  

Gunanidhi Samal

Classics

କୋଣାର୍କର ଇତିକଥା

କୋଣାର୍କର ଇତିକଥା

1 min
11.6K


ଲାଙ୍ଗୁଳା ନରସିଂହ ବୀର

ମନ ମଧ୍ୟରେ କଲେ ସ୍ଥିର ।

ଗଢିବେ ସୁଉଚ୍ଚ ମନ୍ଦିର

ପୂଜିବେ ସୂର୍ଯ୍ୟଙ୍କ ପୟର ।

ମହାମନ୍ତ୍ରୀଙ୍କୁ ଡାକି ପାଶେ

ଚନ୍ଦ୍ରଭାଗା ର ତଟଦେଶେ ।

ଭୋ'ମନ୍ତ୍ରୀ ଶୁଣମୋର ଗୀର

ଏ ଥାନେ ତୋଳିବ ମନ୍ଦିର ।

ରଥର ପ୍ରାୟେକ ଦିଶିବ

ଯେହ୍ନେ ଆକାଶେ ଉଡୁଥିବ ।

ଚବିଶ ଚକ ଲାଗିଥିବ

ସାତ ଅଶ୍ୱରେ ଟଣାହେବ ।

ସୂର୍ଯ୍ୟଙ୍କ ପ୍ରଥମ କିରଣ

ତହିଁ ହେବ ପ୍ରତିଫଳନ ।

ମହାମନ୍ତ୍ରୀଙ୍କ ଆଜ୍ଞା ପାଇ 

ଆସିଲେ ବାରଶ ବଢ଼େଇ ।

ତୋଳିଲେ ଯେ ବାର ବରଷେ

ଚୂଡ଼ା ରହିଲା ଅବଶେଷେ ।

ବାରଶ ବଢ଼େଇ ସକଳ

ସମସ୍ତେ ହୋଇଲେ ବିଫଳ ।

ହୋଇଲା ରାଜାଙ୍କ ଆଦେଶ

କାଲିରେ ନ କରିଲେ ଶେଷ ।

ମରିବେ ସମସ୍ତେ ଅବଶ୍ୟ

ବଢ଼େଇ କୂଳ ହେବ ନାଶ ।

ମୁଖିଆ ବିଶୁ ମହାରଣା

ତାଙ୍କୁ ବି ନପଡ଼ିଲା ଜଣା।

କାହିଁ ରହିଲା ଦୋଷ ତ୍ରୁଟି

ଢଳି ପଡେ ଦଧି ନଉତୀ ।

ଏମନ୍ତ ସନ୍ଧ୍ୟା ଉପଗତ

ମିଳିଲା ଧରମା ବାଳୁତ ।

ପିତା ପୁତ୍ରରେ ହେଲା ଭେଟ

ଅଚିରେ ଟଳିଲା ସଙ୍କଟ ।

ବାରଶ ବଢ଼େଇରେ ଦାୟୀ

ନା'ତୋର କୁମରରେ ଦାୟୀ ।

ଏମନ୍ତ ଶୁଣିଲା କର୍ଣ୍ଣରେ

ଡେଇଁଲା ସମୁଦ୍ର ଗର୍ଭରେ ।

ଚହଳ ପଡିଲା ସଂସାରେ

ନାମ ଲେଖିଲା ସ୍ବର୍ଣ୍ଣାକ୍ଷରେ ।



Rate this content
Log in