Library
Profile
କନ୍ୟା ଦିବସରେ ଭାବନା
କନ୍ୟା ଦିବସରେ ଭାବନା
ଝିଅଟିଏ ଜନମିଲେ କୁହେ ଆମେ ହେଲା
ତ ଲକ୍ଷ୍ମୀଙ୍କର ଆଗମନ
କରିବ ସେ ଦୁଇ କୂଳର ହିତ କନ୍ୟା ଦାନେ
ପୂଣ୍ୟ ସପନ ହେବ ପୂରଣ |୧|
ଦୁଇ ଘରକୁ ବାନ୍ଧଇ ସିଏ ପ୍ରେମ ସ୍ନେହ
ସୌହାର୍ଦ୍ଦ୍ୟର ସୂତ୍ରରେ
ପୁରି ଉଠିବ ଘର ତାହାର ସେ ଖିଲିଖିଲି
ଶବ୍ଦ ଓ ହସ ସମ୍ପଦରେ |୨|
ସମସ୍ତେ ଜାଣିଛେ କନ୍ୟା ହେବ ଦିନେ ଅସ୍ତ୍ର
ଭବିଷ୍ୟତ ସମାଜ ଗଠନର
ଆଣିବ ସେ ତ ସିଦ୍ଧି ଗୌରବ ଓ ଅଭିବୃଦ୍ଧି
ଆମ ଭାରତ ଦେଶର |୩|
କାମ କରିପାରେ ହୋଇ ଖେତର ମୁଲିଆ
ଦାଆ ଧରି ତା ହାତରେ
ହାତୁଡି ଧରି ତା ସାଥେ ସେ ଶ୍ରମ କରି
ପାରେ ଖଣି ଖାଦାନରେ |୪|
ସୈନିକ ସାଜି ତ ସିଏ ଦେଶର ସୀମାରେ
ଜାଗ୍ରତ ପ୍ରହରୀ ହୁଏ
ପରିବାର ହିତ ପାଇଁ ଜୀବନକୁ ବଳି ଦିଏ
ଜୀବନ ସଂଗ୍ରାମରେ |୫|
ହୁଏ ଝିଅଟିଏ ରାଷ୍ଟ୍ରପତି ମୁଖ୍ୟମନ୍ତ୍ରୀ ଯନ୍ତ୍ରୀ
ବୈଜ୍ଞାନିକ ଓ ଡାକ୍ତର
ନର୍ସ ଅଧ୍ୟାପିକା ଶିକ୍ଷୟତ୍ରୀ ହୋଇ ମାନବୃଦ୍ଧି
କରୁଛି ଆନ ଦେଶର |୬|
କିପାଇଁ ସେଇ ମାଆ ଲକ୍ଷ୍ମୀ ଦୁର୍ଗା କୁହ ଆଜି
ଅସୁରକ୍ଷିତ ରହେ
ଅଛି ବନ୍ଦିନୀ ଚାରି କାନ୍ଥେ ଜୀବନ ସଂଗ୍ରାମେ
ବିପଦରେ ରୁହେ |୭|
ନିର୍ମମ ହୋଇନେକି ଆଜି ବିଭିନ୍ନ
ଅପସଂସ୍କୃତିକୁ ଆଦର କରି
ପୂଜା ପାଠ ନାମେ ମହାଜନ ସଂସ୍କୃତିକୁ
ପୋଥି ଭିତରେ ଭରି |୮|
କେଉଁ ମନୋବୃତ୍ତି ଯୋଗୁ ହୁଏ ଯୌତୁକ
ନିର୍ଯ୍ୟାତନା ଘରୋଇ ଅତ୍ୟାଚାର
କନ୍ଯା ଜନ୍ମ ହେବା କଥା ଜାଣି କେଉଁ ଭୟେ
ଭୃଣ ହତ୍ୟା ହୁଏ ଗର୍ଭ ଭିତର |୯|
ସତୀ ଦାହ ଭଳି କେତେ ଥିଲା କୁସଂସ୍କାର
ଯାହା ଲୋପ କରିଅଛେ
ଯୌତୁକ ନିର୍ଯ୍ୟାତନା ଭଳି ପ୍ରଥାକୁ କିମ୍ପାଇଁ
ଆନେ ସମାଜେ ରଖିଛେ |୧୦|
