କଣ୍ଟ

ଆସିବ ଆସିବ କହିଦେଇ ଗଲ

କଣ୍ଟ ଯାଇଥିଲା ପୁରି

ଆସ କି ନ'ଆସ ତୁମ ମନଇଚ୍ଛା

ମୁଁ"ସିନା ମରୁଛି ଝୁରି,

ମନ କଥା ମନେ ମାରି,

ତୁମ ଆସିବାର ଦିନ ଗଣୁଥିଲି

ମାଣ ଯାଇଥିଲା ପୁରି ।

ଆସିଥିଲ ଦିନେ ମୋ'ମନ ଅଙ୍ଗନେ

ଫୁଟାଇବା ପାଇଁ ହସ

ଲୋଭିଲା ଆଖିରେ ଚାହୁଁଥିଲ ମୋତେ

ମେଣ୍ଟାଇବା ପାଇଁ ଶୋଷ,

ଶୁଖିଲା ଯୌବନ ନଈ,

ସେ ନଈରେ କିଏ ନାଉରୀ ସାଜିବ

ନାଆ ବାହିନେବା ପାଇଁ ।

ଅସ୍ତାଚଳ ତଳେ ସୂରୁଯ ଲୁଚିଲେ

ମାଡ଼ିଆସେ ଘନ ରାତି

ଛୁଇଁ ଛୁଇଁ ଯାଏ ମନ ଉପବନେ

କାମ ବାସନାର ତାତି,

ତୁମେ'କି ବୁଝିବ ସାଥୀ,

ନିଃସଙ୍ଗ ଜୀବନେ କେମିତି କାଟୁଛି

ମାଘମାସ ଶୀତ ରାତି ।