କଳ୍ପନାର ଗୀତ - ୬୦
କଳ୍ପନାର ଗୀତ - ୬୦
ସ୍ଵପ୍ନ ଲାଗେ ଆଜି ତୁମେ ନାହଁ ବୋଲି
ତୁମ ସ୍ମୃତି ଅନୁପମା
ତୁମକୁ ଝୁରୁଛି ଏ ଘର ଦୁଆର
ତୁମ ହାତ ସବୁଜିମା ।
ତୁମେ ଥିଲ ମୋର ସ୍ଵପ୍ନ ସିତକର
ପ୍ରଶାନ୍ତ ପବନ ଢେଉ
ବୋହିଗଲେ ଥରେ ବୋହି ନେଇଯାଏ
ଅଶାନ୍ତ ମନର କୁହୁ ।
ତୁମ ସ୍ନେହ ଡାକ ଭୁଲି ମୁଁ ପାରୁନି
ଏବେ ବି ସପନେ ଆସେ
ତୁମ ମିଠା କଥା ସ୍ୱାଦ ଭରା ମହୁ
ମଧୁଗନ୍ଧ ପରି ବାସେ ।
ଏ ଘର ଅଗଣା ଖୋଜୁଛି ତୁମକୁ
ସପନରେ ପାଏ ପାଖେ
ତୁମ ପ୍ରିୟ ଯାହା ସ୍ମୃତି ରେ ସାଇତେ
ସପନରେ ସବୁ ଦେଖେ ।
ତୁମ ହାତରନ୍ଧା କିଏ ଦେବ ମୋତେ
ସପନରେ ଯାହା ପାଏ
ପ୍ରାଚୁର୍ଯ୍ୟ ପଡିଛି ପରିତୃପ୍ତି ନାହିଁ
ସପନରେ ଆଶା ରହେ ।
ସ୍ଵପ୍ନ ଆଜି ମୋର ସ୍ମାରକ ପରାୟ
ସ୍ମୃତି ସ୍ତମ୍ଭ ପରି ଗୋଟେ
ତୁମଠାରେ ଶ୍ରଦ୍ଧା ହେଲାକି ଶରଧା
ପାଇବାକୁ ବାଲି ମୁଠେ ।
ପ୍ରଶାନ୍ତ କୁମାର ହୋତା
ସ୍ଵପ୍ନ ଆଜି ମୋର ସାଜିଛି