କିଏ ଏ ରାଜକୁମାରୀ ?
କିଏ ଏ ରାଜକୁମାରୀ ?
ତୁମ ଓଠ ରଙ୍ଗ କଲା କି କିମିଆଁ
ହୋଇଗଲି ଚିତ୍ରକର,
ତୁମ ମିଠା କଥା ମୋ କାନରେ ଶୁଣି
ହୋଇଗଲି ଗୀତିକାର ।
ଚିତ୍ରକର ସାଜି ଆଙ୍କିଦେଲି ପୁଣି
ତୁଳୀ ଧରି ତୁମ ଛବି,
ମନ କଥା ଯେବେ ଲେଖିଦେଲି ପୁଣି
କହିଲେ ସମସ୍ତେ କବି ।
ତୁମ ଛବି ଦେଖି ଆଖି ଗଲା ଲାଖି
ସତେ ସରଗର ପରୀ,
ଯିଏ ବି ଦେଖିଲା ପଚାରିଲା ମତେ
କିଏ ଏ ରାଜକୁମାରୀ ।
କବିତାକୁ ପଢି ଯେତେକ ପ୍ରେମିକ
ତୁମ ପ୍ରେମେ ହଜିଗଲେ,
ପାଗଳ ପରାଏ ସେ ପ୍ରେମ କବିତା
ଦିନରାତି ଘୋଷି ହେଲେ ।
ଆସ ଥରେ ଦେଖ ଆଙ୍କି ଥିବା ଛବି
ଖୁସି ହେବ ମନ ମୋର,
କବିତା ଶୁଣିବ ତାପରେ ଜାଣିବ
ପ୍ରେମ ମୋ କେତେ ଗଭୀର ।
*****