କି ହଇରାଣ

କିଏରେ ଟାଣୁଛୁ ଖଦୀ

          କେଡେ ତୋର ଯେ ସାହlସ,

ଗୋଟେ ଖୁନ୍ଦା ମରି ତୋତେ

         ଉପୁଡ଼ାଇଦେବି  ନିଶ l

ନେଇଗଲା  ନେଇଗଲା

          ମାନ  ମହତ ଇଜ୍ଜତ,

ରକ୍ଷାକର ମା ଭଉଣୀ

         ରକ୍ଷାକର ମୋ ସଙ୍ଗାତ l

ଉଲଗ୍ନ ଦେହରେ ମୁହିଁ

          କିପରି  ଯିବି ଘରକୁ,

ଲାଜ ଲାଗୁଅଛି ମୋତେ

         କିଆଁ ନେଲୁ ମୋ ଲୁଗାକୁ l

ତୋର କିଏ ମା ଭଉଣୀ

          ନାହାନ୍ତି କିରେ ପବନ,

କାହିଁକି କଲୁ ହୀନସ୍ତ l

          କରି ଏ ବସ୍ତ୍ର ହରଣ l

ଆସିଥିଲି ମୁଁ ନଦୀକୁ

         ଝାଡା ମୋତେ ଲାଗିବାରୁ,

ପିନ୍ଧିବା ସମୟେ ନେଇ

         ଏ କି ହଇରାଣ କରୁ l

କେମିତି ଉଠିବି ମୁହିଁ

        ଏ ନଦୀ ଜଳ ଭିତରୁ,

ସାଙ୍ଗମାନେ ଚିଡ଼ାଅନ୍ତି

       ଲୁଗାକୁ ନେଇ ଯିବାରୁ l

ଫେରାଇ ଦେ ମୋର ଖଦୀ

        ପିନ୍ଧିବି ଯତନେ ନେଇ,

ଏବେ ବେଳ ବୁଡ଼ିଲାଣି

       ଫେରାଇ ଦେ ମୋ ଭାଇ l

ମୋର ସାଙ୍ଗସାଥିମାନେ

        କେତେ ସମୟ ଜଗିବେ,

ବିରକ୍ତ ହୋଇ ସେମାନେ

         ନିଜ ଘରକୁ ଫେରିବେ l

ଏକେଲା ରହି ନଦୀରେ

         ଲାଗିବ ମୋତେରେ ଡର,

ଖଦୀ ଦେଲେ ମୁଁ ପିନ୍ଧିବି

         ଲଜ୍ଜାକୁ କରିବି ଦୂର l

ସାଙ୍ଗସାଥିମାନେ ମୋର

          ମୋତେ ଛାଡି ଚାଲିଗଲେ,

ଯାଇ ଆମ ଘରେ କହି

          ଲୁଗାକୁ ଧରି ଆସିଲେ l

ତପରେ ପିନ୍ଧିଲି ମୁହିଁ

            ଆନନ୍ଦ ମନରେ  ତାକୁ,

ମୋର ଲୁଗାକୁ ତୁ ନେଇ

            ପିନ୍ଧାଇ  ଦେ ତୋର ସ୍ତ୍ରୀକୁ l

ଆରେ ଆଉଥରେ ନେବୁ

           ମୋର ପିନ୍ଧିଲା ବସନ,

ମନ ତୋର ଭାଙ୍ଗିନାହିଁ

           ଆରେ ନିର୍ଲଜ ପବନ l

ପିନ୍ଧିବାର ନ ଆସିଲେ

           ଏମିତି  ଅବସ୍ଥା  ଭୋଗେ,

ନିଜକୁ ଦୋଷ ନ ଦେଇ

           ପର ଉପରେ ସେ ରାଗେ l

ସାଙ୍ଗସାଥି ମାନଙ୍କର

          ନେଲାନି ବସ୍ତ୍ର କାହାର,

ୟାର ଲୁଗାକୁ ଉଡେଇ

           ନେଇଗଲା ଯେ ସମୀର l

ଚାଲି ନ ଜାଣି ବାଟକୁ

           ଯିଏ ଦେଉଥାଏ ଦୋଷ,

ପିନ୍ଧା ଯାହାକୁ ଆସୁନି

           ଖାଇଦିଅ  ସିଏ  ବିଷ  ।