ଖୁସି ର ଭଣ୍ଡାର

କେତେ କେତେ ଖୁସି ମଉଜ ଭିତରେ 

ବୁଡି ରହି ଭାବନାରେ 

ବିତି ଯାଏ କାଳ ହସ ରସ ଖେଳ

କଉତୁକ ବିସ୍ମୟ ରେ ।

ଅନେକ ଧାରଣା ଚିନ୍ତା ଓ ଚେତନା

ଜାଗ୍ରତ ହୁଏ କ୍ରମରେ

ମଧୁ ର ପିଆଲା ପରି କେତେ କେତେ

ଖୁସି ଯୋଗାଏ ମନରେ ।

ସୂର୍ଯ୍ୟ ଉଦୟ ର ଠାରୁ ରାତ୍ରୀ ଯାଏ 

ମିଠା ମିଠା ଉତେଜନା  

ଖୁସିର ସମ୍ଭାର ଅନୁପମ ଦିବ୍ୟ

ଭାବ ରେ କରେ ଉନ୍ମନ। ।

ସଞ୍ଜ ହେଲେ ଜହ୍ନ ଆଲୋକ ତୋରଣ

ଦିଶଇ କି ଚମତ୍କାର 

ପରି ବେଶ ପ୍ରତି ସ୍ନେହ ଅନୁରାଗ

ସୃଜଇ ଭାବ ଭଣ୍ଡାର ।

କଳ୍ପନା ଅଙ୍କିତ ଝୋଟିଚିତା ଚିତ୍ର

ଅଙ୍କନ କରଇ ମନ

ମୋହି ନିଏ ଜନ ପ୍ରତି ଜୀବନ କୁ

ପ୍ରଭାବିତ କରି ଜ୍ଞାନ

ଆଲୋକ ଆହ୍ବାନ ଦିବ୍ୟ ପ୍ରଶାନ୍ତି ରେ

ମନ ପ୍ରାଣ କୁ ତଲ୍ଲିନ ।