Library
Profile
ଖୁସି ଇସ୍ତାହାର
ଖୁସି ଇସ୍ତାହାର
କେହି କେହି ପାଖେ ବସିଲେ
ଖୁସି ବରଷେ
ପୁଷି ବିଲେଇ ପରି ଦେହ ଘଷିଲେ
ମନ ହରଷେ
ଆଉ କିଛି ଦୂରେଇ ଗଲେ କଟି ଗଲେ
ଖୁସି ମୁରୁକି ହସେ ।
କେହି କେହି ଅସ୍ଥା ବିଶ୍ୱାସ ଜନ୍ମେଇ
ଅନ୍ୟ ପାଇଁ ଖୁସି ବାଣ୍ଟନ୍ତି
ସହଯୋଗର ହାତ ବଢେଇ ମିଶେଇ
ଖୁସି ବଳୟ ଆଙ୍କନ୍ତି
ଆଉ କିଛି ବିଶ୍ୱାସରେ ବିଷ ମିଶେଇ
ତତୋଧିକ ଖୁସି ଦିଶନ୍ତି ।
କେହି କେହି ଖୁସି ବାଣ୍ଟି ବାଣ୍ଟି
ବହୁତ ଖୁସି
ଅନ୍ୟ ପାଇଁ ଦାନ ଦକ୍ଷିଣା ଦେଇ
ଡବଲ ଖୁସି
ଆଉ କିଛି ଖୁସି ବଦଳରେ ଦୁଃଖ
ଦେଇ ଖୁସି ।
କେହି କେହି ଅନ୍ୟ ପାଇଁ ଖୁସିର କାରଣ
ସୁଖ ପ୍ରକରଣ
ଶ୍ରମ ରକ୍ତ ସମୟ ଦେଇ ବିପଦେ ଆପଦେ
ପ୍ରକୃତ ବନ୍ଧୁ ଜାଣ
ଆଉ କିଛି ଅନ୍ୟ ଆଖିରେ କାଦୁଅ ଫିଙ୍ଗି
ଗଙ୍ଗା ଯମୁନା ପ୍ରସ୍ରବଣ ।
କେହି କେହି ହାତ ଉପରେ ହାତ ରଖି ଖୁସି
ହସର ସୋପାନ
ସମସ୍ୟା ସହିତ ଯୁଝି ପରପାଇଁ ଝାଳ ବୁହେଇ
ସୁନ୍ଦର ସମାଧାନ
ଆଉ କିଛି ହାତରୁ ହାତ ଛଡେଇ ପେଞ୍ଚଲଗେଇ
ନାଟକୀୟ ଖୁସି ଅଧିନ ।
ଏମିତି ଏ ଦୁନିଆ ବଡ଼ ଚିତ୍ର ବିଚିତ୍ର
କେହି କେହି ନିଜ ଭିତରେ କେନ୍ଦ୍ରୀତ
କସ୍ତୁରି ପାଇ ଖୁସି
ଆଉ କିଛି ଅନ୍ୟ ପାଇଁ ତ୍ୟାଗ
ବଳିଦାନ କରି
ସେବା ସାହାଯ୍ୟ କରି
ଦଶଗୁଣା ଖୁସି ।
ଆଗରେ ପଡିଛି ଖୁସି ଇସ୍ତାହାର
ବାଛିବେ ଆପଣେ ବ୍ୟକ୍ତିତ୍ଵ ପ୍ରକାର ।
