ଖୋଜିବା ଜୀବନେ ଖୁସି
ଖୋଜିବା ଜୀବନେ ଖୁସି
ନହୁଅ ଉଦାସ ଦେଖି ଦୁଃଖକଷ୍ଟ
ନୁହେଁ କିଛି ଚିରନ୍ତନ
ବଞ୍ଚିବାକୁ ହେବ ଶତ ବାଧାବିଘ୍ନେ
ବଞ୍ଚିବା ନାମ ଜୀବନ ।
ହୋଇପାରେ ନାହିଁ ଇଚ୍ଛା ସବୁ ପୂର୍ଣ୍ଣ
ରହିଯାଏ ବହୁ ବାକି
ଭାଙ୍ଗିବା ଗଢ଼ିବା ସ°ସାର ନୀୟମ
ଉଦାସେ ହୁଏନି ପୂର୍ତ୍ତି ।
ଭାଙ୍ଗିଗଲେ ହୁଏ ନୂତନ ସୃଜନ
ନବନ୍ମେଷ ଜନ୍ମ ସୃଷ୍ଟି
ରଖିବା ବିଶ୍ବାସ ହୃଦୟେ ଦୃଢ଼ତା
ହେବା ସଦା ଆଶାବାଦୀ ।
ପାଶେ ଥିଲେ ଧନ ସମ୍ପଦ କ୍ଷମତା
ସରଳ ସ୍ୱଭାବ ଗୁଣେ
ପର ଉପକାର କରିଲେ ମଣିଷ
ଅରଜେ ଯଶ ଜୀବନେ ।
ମିଳିଲେ ସୁଯୋଗ କର ଉପଯୋଗ
କ୍ରୋଧକୁ କରାଅ ଶାନ୍ତ
ସୁପ୍ରବନ୍ଧ କର ନିଜର ସାମର୍ଥ
ମୈ।ନେ ଥୟ ରଖ ଚିତ୍ତ ।
ଭାସି ଯାଅ ନାହିଁ ଲୋକଙ୍କ କଥାରେ
ଦେଖାନି ବୃଥା ବଡିମା
ହେଉ ଯେତେ ବଡ଼ ମଧୁ ବିନା ଘର
ପିମ୍ପୁଡି ଦ୍ୱାର ମାଡେନା ।
ବିପଦ ବେଳରେ ମଣିଷ ଏକଲା
କେହି କୁହନ୍ତିନି ଆହା
ସମ୍ପଦ ବେଳକୁ ଗଣିହୁଏ ନାହିଁ
ମିଥ୍ୟା ବନ୍ଧୁଙ୍କର ସ°ଖ୍ୟା ।
ଦେଖାଇ ହୁଅନ୍ତି ସର୍ବେ ଆପଣାର
ଅସଲ କିଏ ଭେଜାଲ
ସତ ଆଉ ମିଛ ଚିହ୍ନାଏ ସମୟ
ସମୟ ହିଁ ବଳବାନ ।
ଆଖି ଖୋଲେ ଯେବେ ଦିଶେ ସୁନ୍ଦରତା
ହୃଦୟକୁ ଖୋଲେ ପ୍ରେମ
ବିଦ୍ୟା ବୁଦ୍ଧିବଳେ ଚିହ୍ନିପାରେ ଗୁଣ
ସୁପାତ୍ର ଓ ବୁଦ୍ଧିମାନ ।
ଅଟେ ବଡ଼ଗୁଣ ସହିଷ୍ଣୁତା ଧୈର୍ଯ୍ୟ
ସାଧୁତା କର୍ତ୍ତବ୍ୟ ନିଷ୍ଠା
ପତନେ ମଣିଷ ହୀନ ପଶୁ ତୁଲ୍ୟ
ସଦ୍ଗୁଣେ ହୁଏ ଦେବତା ।
ବାଣ୍ଟ ସୁଖ ଦୁଃଖ ଆପଣା ମଧ୍ୟରେ
ସବୁବେଳେ ରୁହ ଖୁସି
ସୁରକ୍ଷ ସମ୍ବଳ କଲ୍ୟାଣ ଉଦ୍ଦେଶ୍ୟେ
ଜୀବନେ ଲଭିବ ମୁକ୍ତି ।