କହିଲେ କହିବ କହୁଛି

କହିଲେ କହିବ କହୁଛି 

ଖଟିଖିଆ ଖଟି ଖଟି ମରୁଛି

ବଡ଼ବଡ଼ିଆଙ୍କ ପକେଟ ଫୁଲୁଛି

ଗୁଣ୍ଡା ରାଜନିତୀ ଚାଲୁଛି

କହିଲେ କହିବ କହୁଛି. . . . ।୧।

ଅନୀତି ଦୁର୍ନୀତି ହେଉଛି

ଦୋଷୀ ଖଲାସେ ବୁଲୁଛି

ମିଛ ପ୍ରଶଂସାରେ ସବୁ ଚାଲିଛି

କହିଲେ କହିବ କହୁଛି. ..........। ୨।

ମୃତ ବ୍ୟକ୍ତି ନାଁରେ ଚାଉଳ ମିଳୁଛି

ଯୋଗ୍ୟ ହିତାଧିକାରୀ ଅଣଦେଖା ହେଉଛି

ତେଲିଆ ମୁଣ୍ଡରେ ତେଲ ବୋଳା ହେଉଛି

କହିଲେ କହିବ କହୁଛି. . . . ।୩।

ଆବାସ ଯୋଜନା ରେ ଚାଲିଛି

ଆଗକୁ ପକ୍କା ପଛକୁ କୋଠା ହେଉଛି

ମେହନତି ମଣିଷ ନୁଖୁରା ହେଉଛି

କହିଲେ କହିବ କହୁଛି. . . . ।୪।

ଚାକିରି ନାଁରେ ଦଲାଲି ହେଉଛି

କାଗଜ ପତ୍ରରେ ସବୁ ରହୁଛି

ପକେଟ ଗରମ କଲେ ସବୁ ମିଳୁଛି

କହିଲେ କହିବ କହୁଛି. . . . ।୫।

ଦେହକୁ କିଏ ନେଉଛି

ଦରଦାମ ଆକାଶଛୁଆଁ ହେଉଛି

ଭୋକିଲା ପେଟ କାନ୍ଦୁଛି

କହିଲେ କହିବ କହୁଛି. . . . ।୬।

ସ୍ଵାର୍ଥପର ହେବାରେ ମଣିଷ ଲାଗିଛି

ଜୀବନ ଯନ୍ତ୍ରଣାରେ ଛଟପଟ ହେଉଛି

ଭାଗ୍ୟକୁ ନିନ୍ଦା କରି ବସିଛି

କହିଲେ କହିବ କହୁଛି. . ....।୭।

ଅନ୍ଧବିଶ୍ୱାସର ବସବର୍ତ୍ତୀ ହେଉଛି

ସବୁ ମାୟାର ବାୟା ରେ ଡେଉଁଛି

ଭଗବାନ ଉରସାକୁ ଅନାଉଛି

କହିଲେ କହିବ କହୁଛି. . ....।୮।