କବିତା ପର୍ବ : (ଅତିରିକ୍ତ) କବିତା-51 : ପ୍ରେମର ଜହ୍ନ :

ଜହ୍ନ ହସିଥିଲା ଦିନେ ଦେଖି ଆମ ଦୁହିଙ୍କୁ,

କହିଦେଲା ସବୁକଥା ଯାଇ ପ୍ରିୟା କଇଁକି | (ଘୋଷା)

ଅଳପ କହିଲ କଥା ବେଶି ରଖି ମନରେ,

ଭଲପାଏ ବୋଲି ଶୁଣା ଯାଉଥିଲା କାନରେ |

ଫଗୁଣଟା ବଡ଼ଦୁଷ୍ଟ ଗଲା ଛୁଇଁ ଛୁଇଁକି,

ଜହ୍ନ ହସିଥିଲା ଦିନେ ଦେଖି ଆମ ଦୁହିଙ୍କୁ,

କହିଦେଲା ସବୁକଥା ଯାଇ ପ୍ରିୟା କଇଁକି | (1)

ଫୁଲଟିଏ ଦେଲି ଲଗାଇଲ ନିଜ ଗଭାରେ,

ପୁଲକିତ ହେଲା ତୁମତନୁ ଜହ୍ନ ଆଭାରେ |

ମନଦେଇ ମନ ନେବି ଗଲ କଥା ଦେଇକି,

ଜହ୍ନ ହସିଥିଲା ଦିନେ ଦେଖି ଆମ ଦୁହିଙ୍କୁ,

କହିଦେଲା ସବୁକଥା ଯାଇ ପ୍ରିୟା କଇଁକି | (2)