*କବିତା ଆସର ଶୀର୍ଷକ:-*🌹❤ *ଇଚ୍ଛାର ଈଶ୍ବର*❤🌹*******

ଇଚ୍ଛାର ଈଶ୍ବର ଏ ମଣିଷ ମନ

   ନିଜ ଇଚ୍ଛେ କାରବାର

ସଠିକ ମାର୍ଗରେ ଚାଲି ନ ପାରିଲେ

   ହାରିବା ନିଶ୍ଚିତ ସାର ।

ନିଜକୁ ଭାବେ ସେ ନିଜେ ସର୍ବେ ସର୍ବା

   ନିଜ ଇଚ୍ଛାର ଈଶ୍ବର 

ହେଲେ ଭୁଲି ଯାଏ ପଥଭ୍ରଷ୍ଟ ଆଣେ

   ନ ଥିଲେ ଠିକ୍ ବିଚାର ।

ନିଜ ମନ ଯେବେ ଆୟତ୍ତେ ରହେନି

   କରଇ ସ୍ବାର୍ଥରେ ଘର

ସେଇ ଅନୁସାରେ ଇଚ୍ଛାର ଈଶ୍ବର 

   ଗତି କରେ ନିରନ୍ତର ।

ଭଲ ମନ୍ଦ ଯଦି ବିଚାର ନ କରି

    ମନେ ଧର ଅହଂକାର 

କୁକର୍ମ କରିବ କୁପଥେ ଚାଲିବ

   କୁବାଟେ ନେବେ ଈଶ୍ବର ।

ଏତେ ଗର୍ବ ମନେ ଘର କରି ଥାଏ

   ଭାବେ ବଡ ପୃଥିବୀର

ନିଜ ଇଚ୍ଛାର ମୁଁ ନିଜେ ତ ଈଶ୍ବର

   ଚଳାଏ ନିଜ ସଂସାର ।

ଧନ ଜନ ଯଉବନ ସରି ଗଲେ

   ହୁଏନି ସିଏ କାହାର

ଇଚ୍ଛାରେ ଚଳଇ ଇଚ୍ଛାର ଈଶ୍ବର 

   ଧରି ରୋଗର ଶରୀର ।

ଇଚ୍ଛାର ଈଶ୍ବର ନିଜକୁ ବୋଲାଇ

   ଧରି ଗର୍ବ ଅହଂକାର 

କହିଥାଏ କେବେ ନ ହେବି ଜୀବନେ

   ଅଧୀନ କେବେ କାହାର ?

ବଳ ବୟସଟି ହାରିଯାଏ ଯେବେ

    ବସି ଭାବେ ନିରନ୍ତର 

ସେ ଏକା ଈଶ୍ବର ଏଇତ ସଂସାରେ 

    ମୁହିଁ ତ ମାନବ ଛାର ।

ମିଥ୍ୟା ଜଗତରେ ସେଇ ଏକା ସତ

     ପରଂବ୍ରହ୍ମ ମହେଶ୍ୱର  

ମୁଁ ରାକ୍ଷାସଟି କଲା କବଳିତ

   ପାପ ଭୋଗିଲା ଶରୀର ।

ଏବେ ମୁଁ ବୁଝୁଛି ହେ ମନ ଈଶ୍ବର 

   ଯାଆ ତୁ ପ୍ରଭୁ ପୟର

ତାଙ୍କ ବିନା କ୍ଷଣ ଏ ମନ ଈଶ୍ବର 

   ସ୍ଥାନ ନାହିଁ ତିନି ପୁର ।

ଆହେ ମହେଶ୍ଵର ଇଚ୍ଛାର ଈଶ୍ବର 

    ଏତିକି ମାଗୁଣୀ ମୋର

ମନ ଅହଂକାର ଇଚ୍ଛାର ଈଶ୍ବର 

   କୃପାଶିଷେ ଧ୍ବଂସ କର ।