କାହିଁକି ଗଢ଼ିବି ମୁଁ ଅନୁଷ୍ଠାନ

ଅନୁଷ୍ଠାନ ସିନା ବାଣ୍ଟେ ପ୍ରେମ ର ପୀୟୂଷ

ଆଦର , ସୌହାର୍ଦ୍ଦ୍ୟ , ଶ୍ରଦ୍ଧା , ସେନେହ , ବିଶ୍ୱାସ ।

ପ୍ରୀତି ମଧୁରିମା ଧାରେ କରେ ବିଧଉତ

ଅଜ୍ଞାନ ଅନ୍ଧାର , ତମ ନାଶିବା ସହିତ । 

ଆନୁଷଙ୍ଗିକ ସମସ୍ୟା ସମାଧାନ ପାଇଁ

 ଆଲୋଚନା ମାଧ୍ୟମ ରେ ଥାନ୍ତି ମତ ଦେଇ ।

ଜୀବନେ ଦିଏ ସେ ବହୁ ଅଭୁଲା ପ୍ରେରଣା

ଆନନ୍ଦ , ଉଲ୍ଲାସ ଦିଏ ଜନ ମନ ଜିଣା ।

 ସାମୁହିକ , କଲ୍ୟାଣ ର ସାଧନ ଉଦ୍ଧେଶ୍ୟ

ଘେନି ନୂଆ ଅନୁଷ୍ଠାନ ହୁଏ ସୁପ୍ରକାଶ ।

ନିସ୍ୱ।ର୍ଥ ଭାବ ରେ ଯହିଁ ହୋଇ ସମ୍ମିଳିତ

ସାଧନ୍ତି , ମାନବେ ଦେଶ , ଦଶ ର ସୁହିତ ।

ସେହି ହିଁ ଅଟଇ ସୁପ୍ରକୃତ ଅନୁଷ୍ଠାନ

ଅବିରତ ହିତ , ସାଧି ସମାଜ କଲ୍ୟାଣ ।

ପାଈଁ ବ୍ରତୀ ରହି ଥାଏ ସିନା ଅନୁଷ୍ଠାନ

ଖ୍ୟାତି ବା ପ୍ରଶଂସା ପାଇଁ ନୁହେଁ ପ୍ରୟୋଜନ ।

ଛୋଟ ଅବା ବଡ଼ ହେଉ ସାଧଇ ସେ ହିତ

ଆପଣା ଉଦ୍ଧେଶ୍ୟ ଘେନି ହୁଅଇ ନିର୍ମିତ ।

ବ୍ୟକ୍ତିର ବ୍ୟକ୍ତିତ୍ଵ ଆଉ ପ୍ରତିଭା , ସାମର୍ଥ୍ୟ

ବିବର୍ଧନ , ପ୍ରସ୍ଫୁଟନ , ବିକାଶ ନିମିତ୍ତ ।

ଶକ୍ତିର , ଜାଗୃତି ଭାବ ଅନୁଭୁତି ରାଶି

ପ୍ରେରଣା ପ୍ରଦାନ କାରୀ ସଦସ୍ୟ , ସମଷ୍ଟି ।

ଘେନି ଗଢ଼ା ହୋଇ ଥାଏ ନାନା ଅନୁଷ୍ଠାନ

ଯା ' ମାଧ୍ୟମେ ପୂର୍ଣ୍ଣ ହୁଏ ବ୍ୟକ୍ତି ମନସ୍କାମ ।

ବ୍ୟକ୍ତି - ଅନ୍ତ - ସାମର୍ଥ୍ୟ ଓ ପ୍ରତିଭା ସମ୍ଭାର

ଅନୁଷ୍ଠାନ ହେତୁ ସିନା ହୁଅଇ ଭାସ୍ୱର ।

ଅନୁସନ୍ଧାନୀ କରାଏ ମାନବ ଚେତନା

ଉନ୍ନତି ଦିଗରେ ପୁଣି ଯୋଗାଏ ପ୍ରେରଣା ।

ଶିକ୍ଷା, ସ୍ବାସ୍ଥ୍ୟ, କଳା , ଆଉ ସଂସ୍କୃତି , ଔତ୍କର୍ଷ୍ୟ

ପ୍ରକାଶ୍ୟ ଭାବରେ ଯାହା କରଇ ସାହାର୍ଯ୍ୟ ।