Library
Profile
କାହିଁକି ଏମିତି ହୁଏ
କାହିଁକି ଏମିତି ହୁଏ
1 min
11.7K
ଆହେ ଇଚ୍ଛାମୟ ତୁମରି ଇଚ୍ଛାରେ
ଯଦି ସବୁକିଛି ହୁଏ ,
କେ ଭୁଞ୍ଜଇ ନିତି ଦୁଧ,ସରପୁଳି
ଅଧା ପେଟେ କିଏ ରହେ ।
ବାରବାର ଏହି ପ୍ରଶ୍ନ ଉଙ୍କିମାରେ
ମୋ ମନେ ଆପଣା ଛାଏଁ...
କାହିଁକି ଏମିତି ହୁଏ !!(୦)
ରାଜ ଉଆସରେ ରହେ କେ ଥାଟରେ,
ଦିନ ବିତାଏ କେ ବାଟରେ ଘାଟରେ ।
ଜଣେ ଭାଗ୍ୟବାନ ହେଲାବେଳେ କିଆଁ
ଆନ ହତଭାଗା ହୁଏ ।(୧)
ବାରବାର ଏହି ପ୍ରଶ୍ନ ଉଙ୍କିମାରେ
ମୋ ମନେ ଆପଣା ଛାଏଁ....
କାହିଁକି ଏମିତି ହୁଏ !!
ଭଳିଭଳି କା'ର ବସନ-ଭୂଷଣ ,
ଜୀବନଟା ସାରା ଭୋଗେ କେ କଷଣ ।
ତୁମକୁ ଭରଷା କରି କାନ୍ଦେ କେହୁ
ନ ମାନି ସୁଖରେ ରହେ ।(୨)
ବାରବାର ଏହି ପ୍ରଶ୍ନ ଉଙ୍କିମାରେ
ମୋ ମନେ ଆପଣା ଛାଏଁ....
କାହିଁକି ଏମିତି ହୁଏ !!
ସବୁ ଜାଣି ତୁମେ ରହିଲେ ମଉନ ,
ଦୁଃଖୀ ଜନ ଦୁଃଖ ହେବ କି ନିଊନ !
କାହା ଆଗେ ଆଉ ପଚାରିବି ଯାଇ
ଉତ୍ତର ବା ଦେବ କିଏ !(୩)
ବାରବାର ଏହି ପ୍ରଶ୍ନ ଉଙ୍କିମାରେ
ମୋ ମନେ ଆପଣା ଛାଏଁ...
କାହିଁକି ଏମିତି ହୁଏ...
କାହିଁକି ଏମିତି ହୁଏ !!
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।
