କାହାରିକୁ କଷ୍ଟ ନଦିଅ ପ୍ରଭୁ

ଆଖିରେ ବାନ୍ଧିଛି ଅନ୍ଧର ପୁଟୁଳି

ଏଠି ପ୍ରଶାସନ ନ୍ଯାୟ ଓ ଧର୍ମ 

ନିରୀହ ବିଚରା ହୁଏ ହନ୍ତସନ୍ତ 

ବୃଥା ମଣେ ଜନ୍ମ ଭାଗ୍ଯ ତା ବାମ ।

ଧଉଡି ଦପ୍ତର ଛିଣ୍ଡେ ତା ଚପଲ

ବିକି ଜମିଜମା ସେ ସର୍ବସ୍ବାନ୍ତ 

ପ୍ରଲମ୍ବିତ ନ୍ଯାୟ ମଣିମା ଶୁଣିମା

ମିଳଇ ତାରିଖ ପରେ ତାରିଖ ।

ମିଳେନି ପାଇଟି ବସିରହି ଘରେ

ବାନ୍ଧି ହାତଗୋଡ ବସେ ସେ ଜାକି

ଥନ୍ତଲ ପେଟୁଆ ଦଲାଲ ବେପାରୀ

ବିକେ ଚଢାଦରରେ ଓଜନ ଠକି ।

ଦିଶେ ଚନ୍ଦ୍ରସୂର୍ଯ୍ୟ ଖଣ୍ଡିଆ ପଲାରେ

ସହୁଛି ଗରୀବ ବରଷା ଶୀତ 

ଉଚ୍ଚ ଶିକ୍ଷା ସାରି ପିଲାଏ ବେକାର

ବିପଥଗାମୀ ବା ନିଶା ଆସକ୍ତ ।

ସଂରକ୍ଷଣ ନାମେ ଚାଲେ ପ୍ରହସନ 

ମେଧା ଚୟନରେ ଘୋଟାଲାବାଜି 

କପାଳକୁ ନିନ୍ଦେ ମେଧାବୀ ବିଚରା

ସୁୁଖସ୍ବପ୍ନ ତାର ଯୌବନେ ଭାଜି ।

କରନ୍ତି ଗାଲୁଆ ବାରବାଟୀ ଚାଷ

ଚଉକି କ୍ଷମତା ନିଶା ପ୍ରବଳ

ପହଁରି କୁହୁଡି ଜନ ଅସହାୟ

ଅର୍ଥ ବାହୁବଳେ ଚାଲଇ ଖେଳ ।

ନୀଚ୍ଚ ଦୁରାଚାରୀ ଉତ୍କଟ ଦୂଷଣ

ରାମରାଜ୍ଯ ସ୍ବପ୍ନ ନ କରୁ ଚୂର୍ଣ୍ଣ 

କାହାରିକୁ କଷ୍ଟ ନଦିଅ ପ୍ରଭୁ ହେ

ମିଳୁ ଜନଗଣେ ସ୍ବଚ୍ଛ ଶାସନ ।