Library
Profile
ଜୟ ଯବାନ ଜୟ କିଷାନ
ଜୟ ଯବାନ ଜୟ କିଷାନ
ଧରିତ୍ରୀ ମାତାର ସୁଯୋଗ୍ୟ ସନ୍ତାନ
ଜଣେ ଯବାନ ଜଣେ କିଷାନ ।
ଜନ୍ମଭୂମି ସେବା ପାଇଁ ସମର୍ପିତ
ସ୍ବଇଚ୍ଛାରେ କରି ଜୀବନ ପଣ ।
ଦେଶର ସୀମାରେ ଜାଗ୍ରତ ପ୍ରହରୀ
ଆଖିରେ ନଥାଏ ଶୟନ ସ୍ବପ୍ନ ।
ନଥାଏ ମନରେ ପୁତ୍ର ଦାରା ଚିନ୍ତା
ବିବାହ ବାର୍ଷିକୀ ପୁତ୍ରର ଜନ୍ମ ।
ବାପାମାଆ ବନ୍ଧୁ ସଖା ସହୋଦର
ଅନାବିଳ ସ୍ନେହ ଭଲପାଇବା ।
ସବୁ ସମ୍ପର୍କକୁ ପଛରେ ପକାଇ
ଜୀବନକୁ ବାଜି ଲଗାଇ ଦେବା ।
ତାଙ୍କ ପାଇଁ ଆମେ ନିଶ୍ଚିନ୍ତେ ରହୁଛେ
ଶତୁଭୟ ନାହିଁ ଆମ ମନରେ
;।
ଆତ୍ମବଳି ଦେଇ ମାଟି ମା' ପାଇଁ
ଲିପି ବଦ୍ଧ ହେଲା ସ୍ବର୍ଣ୍ଣାକ୍ଷରରେ ।
କିଷାନ ଭାଇଟି ମାଟିସାଥେ ମାଟି
ଖରା ବର୍ଷା ଶୀତ କାକର ଖାଇ।
ଭୋକିଲା ମୁଖରେ ହସ ଭରିଦିଏ
ତାର ପେଟ ପାଇଁ କା' ଚିନ୍ତା ନାହିଁ ।
ପେଟ ପାଇଁ ଦାନା ଯୋଗାଉଛି ସିଏ
ମହତ କରମେ ସଦା ତତ୍ପର ।
ଛିଡା ବସନରେ କଟେ ତା' ଜୀବନ
ଉପାସେ ଶୁଅନ୍ତି ତା' ପରିବାର ।
ତଥାପି କର୍ମରେ ସଦା ଆଗଭର
ତିଳେ ନଥାଏ ମନେ ଶୋଚନା ।
ଏ' ଦୁଇ ଜଣଙ୍କ ଉଦାରତା ପାଇଁ
ସୁଖରେ ଜୀବନ କଟଇ ସିନା।
