ଜୟ ମାଆ ଚନ୍ଦ୍ର ଘଣ୍ଟା
ଜୟ ମାଆ ଚନ୍ଦ୍ର ଘଣ୍ଟା
ଘଣ୍ଟା ପରି ଚନ୍ଦ୍ର ଧାରଣ ର ହେତୁ
ନାଆଁ ତୋର ଚନ୍ଦ୍ର ଘଣ୍ଟା
ଅସ୍ତ୍ର ଶସ୍ତ୍ର ସହ କମଳ, କମଣ୍ଡଳୁ
ଦଶ ଭୂଜେ ସୁଶୋଭିତା ।
ବ୍ୟାଘ୍ର ବାହନ ରେ ବିଜେ କରି ମାଆ
ସନ୍ତାନେ ଦର୍ଶନ ଦେଉ
ମହା ନବ ରାତ୍ର ତୃତୀୟ ଦିବସେ
ତୁହି ମାତ ପୂଜା ପାଉ ।
ତୋତେ ଆରାଧନା ଯେହୁ କରେ ମାଆ
ବିଜୟ ଶ୍ରୀ ପ୍ରାପ୍ତ ହୁଏ
ବୀରତ୍ବ ର ପରାକାଷ୍ଠା ସେ ଦେଖାଇ
କ୍ଷମତା ,ମର୍ଯ୍ୟାଦା ଲଭେ ।
ତୃତୀୟ ନୟନ ଖୋଲି ଦେଇ ମାତ
କୃପାବାରୀ ସିଂଚି ଦେଉ
ସର୍ବଦା ଆତ୍ମା କୁ ଜାଗ୍ରତ କରିବାକୁ
ଭକ୍ତ ଗଣେ ଶିକ୍ଷା ଦେଉ ।
ସେ କୃପା ବାରୀ ରୁ କିଛି ଟୋପା ମାତ୍ର
ମାଗୁଅଛି ମାତ ମୁହିଁ
ତୋର କୃପା ବିନା ଏ ସାରା ଜଗତ
ତିଷ୍ଠି କି ପାରିବ କାହିଁ ।।