ଚାନ୍ଦ ନା ତୁମେ ତାରା

ଚାନ୍ଦ ନା ତୁମେ ତାରା

ମୁଁ ଭାବୁଥାଏ ରାତି ସାରା

ଚାନ୍ଦିନୀ ପଣତ ଘୋଡ଼ାଇ ହୋଇ ମା'

ଅନୁଭବେ ତୁମ ଛୁଆଁ

ଚାନ୍ଦ ନା ତୁମେ ତାରା।

ତୁମ ସ୍ନେହ ଅପାଶୋରା

ତୁମ ଓଠରେ ଅମୃତ ଭରା

ମୋ କର୍ଣ୍ଣ ଖୋଜଇ ସେ ପୀୟୁଷ ମା'

ତୁମ କଣ୍ଠ ସ୍ବର ଫୁଲ ଝରା

ଚାନ୍ଦ ନା ତୁମେ ତାରା ।

ମୋ ଶୈଶବ ସ୍ମୃତିର ହୀରା

ମୋ ସ୍ପନ୍ଦନର ଆଦି ଧାରା

ଏବେ ବି ମୋ ମନ ଝୁରି ହୁଏ ମା'

ତୁମ ଭିଜା ପଣତର ବାସ୍ନା

ଚାନ୍ଦ ନା ତୁମେ ତାରା ।

ଥିଲ ହସ ଖୁସିର ପେଟରା

ଥିଲ ଆନନ୍ଦର ବାରିଧାରା

ସରଳ ତରଳ ତୁମ ଚାହାଣୀ ମା'

ଖୋଜିବି ଜୀବନ ସାରା

ଚାନ୍ଦ ନା ତୁମେ ତାରା ।

ମୋ ଶୀତ ସକାଳର ଖରା

ତୁମ ବିନା ଶୂନ୍ୟ ସାରା ଧରା

ତୁମ ନୂତନ ଠିକଣା ଖୋଜି ହୁଏ ମା'

ଆକାଶକୁ ଚାହିଁ ପରା

ଚାନ୍ଦ ନା ତୁମେ ତାରା ।