Library
Profile
ଦେଶ ମାତୃକା ର ହେ ବୀର ସନ୍ତାନ
ଦେଶ ମାତୃକା ର ହେ ବୀର ସନ୍ତାନ
ଦେଶ ମାତୃକା ର ହେ ବୀର ସନ୍ତାନ
ଅହିଂସା ପୂଜାରୀ ଦେଉଛୁ ସମ୍ମାନ ।
ଦେଶ ମାତୃକା ର ହେ ବୀର ସନ୍ତାନ
ଜାତିର ଜନକ ପୂଜ୍ୟ ନମୋ ନମଃ ।
ଆହା କି ସୁକ୍ଷଣେ ଗୁଜ୍ଜର ପ୍ରଦେଶ
ପୋର ବନ୍ଦର ରେ ଜନମି ସୁଯଶ ।
ପ୍ରକାଶିଲ ଧରି ଅଦମ୍ୟ ସାହସ
ତୁମ୍ଭେ ଜ୍ଞାନୀ ଗୁଣୀ , ହେ ମୋହନ ଦାସ ।
ସାବରମତୀ ର ଆଶ୍ରମେ ହେ , ସନ୍ଥ
ଦେଶ ର ଉନ୍ନତି ଉଦ୍ୟମେ ନିରତ ।
ଅହିଂସା ଅସହଯୋଗ ରେ ଅନ୍ୟାୟ
ଅତ୍ୟାଚାର ବିରୁଦ୍ଧରେ ଧରି ଧୈଯ୍ୟ ।
ତୁମ୍ଭ ସୁଶାନ୍ତ ସରଳ ଅମାୟିକ
ବେଶ ବାସ ବ୍ୟବହାର ଆକର୍ଷକ ।
ପ୍ରତି ଜନ ପ୍ରାଣେ ପ୍ରୀତି ର ସ୍ପନ୍ଦନ
ତୋଳି ସ୍ଵାଧୀନତା ସାମ୍ୟ ଜାଗରଣ ।
ପାଇଁ କି ଗଭୀର ପ୍ରଭାବ ପକାଇ
ସାରା ଭାରତ କୁ ସଂଗଠିତ କରି ।
ଫିରିଙ୍ଗି ଶାସନ ସହିତ ଲଢ଼ିଲ
ସତ୍ୟ ଅହିଂସା ରେ ବିଜୟ ଲଭିଲ ।
ପାଦତଳେ ତୁମ୍ଭ କୋଟି ପ୍ରଣିପାତ
ଭକ୍ତି ପୂତ ଭାବେ କରେ ଏ ଭାରତ ।
ଭାରତୀୟ ଙ୍କ ର ଦୁଃଖ ଦୁର୍ଦ୍ଦଶା କୁ
ଅନୁଧ୍ୟାନ କରି ହ୍ରାସ କରିବା କୁ ।
ନାନା ସ୍ଥାନେ ନାନା ମତେ ଯେ ଉଦ୍ୟମ
ଆରମ୍ଭ କରିଣ ନବ ଜାଗରଣ ।
ଆଣିବା ରେ ତୁମେ ଥିଲ ହେ ବରେଣ୍ୟ
ସାଧକ ଅହିଂସା ମନ୍ତ୍ର ରେ ପ୍ରବୀଣ ।
ପ୍ରତି ଭାରତୀୟ ହୃଦ ସିଂହାସନେ
ଆସିନ ହୋଇଲ ନିଜ ଯଶ ଗୁଣେ ।
ପ୍ରତି ହୃଦୟରେ ପ୍ରେମର ସ୍ପନ୍ଦନ
ଅହିଂସା ମନ୍ତ୍ର ରେ ତୋଳିଲ ଆହ୍ବାନ ।
ତ୍ୟାଗ ଓ ସାହସ ପ୍ରବୀଣ ପାଣ୍ଡିତ୍ୟ
ନିଷ୍ଠା , ନ୍ୟାୟ ଦିବ୍ୟ ଚେତନା ସତତ ।
ଜାଗ୍ରତ କରାଏ ତୁମ୍ଭ ମହାନତା
ମହାତ୍ମା ଗାନ୍ଧୀ ଓ ଜାତୀୟ ପିତା ।
ଆଖ୍ୟା ଲଭି ଦେଶ ଜାତିର ଉନ୍ନତି
ଲକ୍ଷ୍ୟେ ଅହରହ ରହି ଥିଲ ବ୍ରତୀ ।
ସଭିଙ୍କୁ ସମ୍ମାନ ସ୍ନେହ ସ୍ମିତ ହାସ୍ୟ
ଗଭୀର ଆଦରେ କର ପ୍ରଭାବିତ ।
ତୁମ୍ଭେ ହେ ମହାତ୍ମା ଆଦର୍ଶ ପୁରୁଷ
ପରାଧୀନତାର ଦୁଃଖ ଦୈନ୍ୟ ପ୍ରାସ ।
ଦର୍ଶନେ ମନ ରେ ଦାରୁଣ ଆଘାତ
ସ୍ବାଧିନତା ଲକ୍ଷ୍ୟେ ରହିଲ ଚେଷ୍ଟିତ ।
ତୁମ୍ଭରି ଉଦ୍ୟମ ନିଷ୍ଠା ସୁସlହସ
ଦେଶ ଜାତି ହିତେ ସୁଦିବ୍ୟ ଆଲୋକ ।
ତୁମରି ଆହ୍ଵାନ , ଅପୂର୍ବ ଲହରୀ
ଜାତୀୟ ଚେତନା ପ୍ରବାହିତ କାରୀ ।
କର୍ତ୍ତବ୍ୟ ଓ ଅନୁଭବ ଅନୁଭୂତି
ପ୍ରତି ଭାରତୀୟେ ଶିକ୍ଷା ଦିଏ ନିତି ।
ଆଦର୍ଶ , ସାହସ ,ସମୟାନୁବର୍ତ୍ତୀ
ସତ୍ୟ, ଅହିଂସା ଓ ସଦ୍ଭାବ ସମ୍ପ୍ରୀତି ।
ଯାହା କହି ଦିଅ କରି କି ଦେଖାଅ
ସତ୍ୟ ଅହିଂସା ର ଅଦମ୍ୟ ଉତ୍ସାହ ।
ଜାଗୃତି ଶକତି ଅସୀମ ଭଣ୍ଡାର
ତ୍ୟାଗ , ପ୍ରେମ ଶ୍ରଦ୍ଧା ଆଉ ତିତୀକ୍ଷାର ।
ନିଶା ନିବାରଣ କୁସଂସ୍କାର ଲୋପ
ଦୁର୍ନୀତି ଅନୀତି କରିବା ବିଲୋପ ।
ସ୍ୱଦେଶୀ ଦ୍ରବ୍ୟ ରେ ଆଦର ଆଗ୍ରହ
ବଢ଼ାଏ ତୁମର ନୀତି ସତ୍ୟାଗ୍ରହ ।
ଅହିଂସା ଅସହଯୋଗ ର ଅସ୍ତ୍ର ରେ
ଉନ୍ମାଦନା ଧାର ସୃଜିଲ ଅନ୍ତରେ ।
ଆଜି ଏ ପବିତ୍ର ଜନମ ତିଥି ରେ
ଘେନ ଶ୍ରଦ୍ଧାଞ୍ଜଳୀ ଅରପେ ଭକ୍ତି ରେ ।
ଦେଶ ମାତୃକା ର ହେ , ବୀର ସନ୍ତାନ
ଅହିଂସା ପୂଜାରୀ ଦେଉଛୁ ସମ୍ମାନ ।
