ଜୟ ଜୟ ଜୟ ରାମ
ଜୟ ଜୟ ଜୟ ରାମ
ଜାନକୀ ବଲ୍ଲଭ ରାମ
ନବ ଦୃବାଦଳ ଶ୍ୟାମ
ତୁମେ ପ୍ରଭୁ ସର୍ବନାମ
ସୀତା ପତି ସତ୍ୟକାମ
ଜପକଲେ ରାମ ରାମ
ନଗ୍ରାସଇ କାଳଯମ ।
ନବୀନ ସୁନ୍ଦର ରାମ
ରଘୁକୂଳ ଚନ୍ଦ୍ର ରାମ
କୌଶଲ୍ୟା ନନ୍ଦନ ରାମ
ଦଶରଥ ସୂତ ରାମ
ଜପକଲେ ରାମ ରାମ
ବିହି ହୁଏନାହିଁ ବାମ ।
ପରମ ପୁରୁଷ ରାମ
କରୁଣାମୟ ହେ ରାମ
ଜଗତ ଜୀବନ ରାମ
ସତ୍ୟ ସନାତନ ରାମ
ଜପକଲେ ରାମ ରାମ
ମତି ହୁଏନାହିଁ ଭ୍ରମ ।
ପତିତ ପାବନ ରାମ
ପତିତ ତାରଣ ରାମ
ମହିମାମୟ ହେ ରାମ
ଅନନ୍ତ ଅସୀମ ରାମ
ଜପକଲେ ରାମ ରାମ
ଧନ୍ୟ ହୁଏ ପ୍ରାଣ ଆମ ।
କୋଦଣ୍ଡ ଧାରୀ ହେ ରାମ
ରାବଣର ଅରୀ ରାମ
ପରଜା ବତ୍ସଳ ରାମ
ପରମ ପୁରୁଷ ରାମ
ଜପକଲେ ରାମ ରାମ
ପୂର୍ଣ୍ଣ ହୁଏ ସବୁ କାମ ।
ଅହଲ୍ୟା ତାରଣ ରାମ
ନିତ୍ୟ ନିରଞ୍ଜନ ରାମ
ବିଷ୍ଣୁ ନାରାୟଣ ରାମ
ବିଶ୍ବ ବନ୍ଦନୀୟ ରାମ
ଜପକଲେ ରାମ ରାମ
ଦୂର ହୁଏ ଦୁଃଖ ଆମ ।
ପୂର୍ଣ୍ଣ ବ୍ରହ୍ମରାଶି ରାମ
ବ୍ରହ୍ମ ପୂର୍ଣ୍ଣ ଶଶି ରାମ
ରାମ ରାମ ହରେ ରାମ
ପାଦେ ପ୍ରଣାମ ହେ ରାମ
ତୁମେ ଗତି ତୁମେ ମୁକ୍ତି
ଶଖା ସହୋଦର ଆମ ।