ଜୀବନ ସାଥି

ତୁମଠୁ ଆରମ୍ଭ ସଂସାର ମୋହର

ତୁମେ ସାଥେ ଥିଲେ ଦୁଖଃ ର ଶେଷ

ତୁମକୁ ପାଇମୁଁ ପାଇଅଛି ସବୁ

ମନେ ନାହିଁ ମୋର କିଛି ଅବଶୋଷ।

କେବେ ଯଦି କିଛି ଭୁଲ୍ କରିଦିଏ

କହିଦେବ ମୋତେ ସତ କରି

ରାଗ ରଖିବନି ମନରେ ତୁମର

ସଜାଡ଼ି ଦେବି ମୁଁ ଉଜୁଡା ଡୋରି।

ଜୀବନର ଏଇ ଚଲାପଥେ ସାଥି

ଯେବେ ପାଦ ମୋର ଥକିଯିବ

ଆଉଜାଇ ନେଇ ଛାତିରେ ତୁମର

ମଥାରେ ମୋ ପ୍ରୀତି ପରଶି ଦେବ।

ତୁମେ ମୋର ପ୍ରିୟ, ମୁଁ ପ୍ରିୟତମା

ତୁମ ସଙ୍ଗେ ପଥ ଚାଲୁଥିବି

ତୁମ ହୃଦୟର ରାଜ ଉଆସରେ

ତୁମ ମନ ରାଣୀ ସାଜିଥିବି।

ମାଗିବିନି କେବେ ସରଗର ଚାନ୍ଦ

ଅଵା ସୁନା,ରୂପା,ହୀରା,ମୋତି

ଲିଭିଯାଉ ମୋର ଜୀବନର ଦୀପ

ହସିହସି ତୁମ କୋଳରେ ସାଥି।