Library
Profile
ଜୟ ଭାରତମାତାର ଜୟ
ଜୟ ଭାରତମାତାର ଜୟ
ଜୟ ଜନ୍ମଭୂମି ଜୟ କର୍ମଭୂମି
ଜୟ ମୋ'ଭାରତବର୍ଷ ,
ଯୁଗ ଯୁଗ ଧରି ଗଙ୍ଗା ଯମୁନା
ଗାଇ ଯାଏ ଯା'ର ଯଶ ।
ମସ୍ତକ ମୁକୁଟ ପୁଣ୍ୟ ହିମାଳୟ
ଗଙ୍ଗା ଯା'ର କଣ୍ଠ ହାର ,
ବିନ୍ଧ୍ୟ ଗିରିମାଳା କଟି ର ମେଖଳା
ସାଗର ଧୁଏ ପୟର ।
ହିମାଳୟ ଠାରୁ କୁମାରିକା ଯାଏଁ
ଆମେ ସବୁ ଭାରତୀୟ ,
ତୋ'ସନ୍ତାନଗଣ ଦେଇ ବଳିଦାନ
ଘଟାଏ ଯେ ଅଭ୍ୟୁଦୟ ।
ସୁଜଳା ସୁଫଳା ଶସ୍ଯ ଶ୍ୟାମଳା
ସୁଷମା ଭରା ଏ ଦେଶ ,
ଜ୍ଞାନ କଳା ବିଭାମୟୀ ସ୍ୱର୍ଣ୍ଣପ୍ରସୂ
ରହିଛି ଯା'ର ସୁଯଶ ।
ବୀର ପ୍ରସବିନୀ ସନ୍ତାନ ବତ୍ସଳା
ମମତାମୟୀ ତୁ ମାଆ ,
ମହାନ ସଂସ୍କୃତି ଐତିହ୍ୟ କୁ ନେଇ
ଅଟୁ ଚିର ବନ୍ଦନୀୟା ।
ସତ୍ୟ ଅହିଂସା ଧରମେ ଯାହାର
ଧ୍ବଜା ଉଡ଼େ ଫରଫର ,
ଯା'ପ୍ରକୃତି ଶୋଭା ଅ
ଟେ ମନ ଲୋଭା
କାହିଁ ତା'ର ପଟାନ୍ତର !
ବିବିଧତା ମଧ୍ୟେ ରହିଛି ଏକତା
ଏହି ଆମ ମହାନତା ,
ଶାନ୍ତି ମୈତ୍ରୀ ତ୍ୟାଗ ଶୋର୍ଯ୍ୟ ବୀର୍ଯ୍ୟରେ
ଅଟେ ମହିମାମଣ୍ଡିତା ।
ଯା'ସନ୍ତାନଗଣ ଦେଶପ୍ରେମୀ ପ୍ରାଣ
ସେବାରେ ସଦା ଉତ୍ସର୍ଗ ,
ଜନ୍ମଭୂମି ପାଇଁ ପ୍ରତି ରକ୍ତ ବିନ୍ଦୁ
ଅଟଇ କେତେ ମହାର୍ଘ ।
ଜ୍ଞାନ ବିଜ୍ଞାନର ପ୍ରଯୁକ୍ତି ବିଦ୍ୟାରେ
ଦେଶ ଆଜି ଅଗ୍ରସର ,
ସ୍ବପ୍ନର ଭାରତ 'ଶ୍ରେଷ୍ଠ ଭାରତ'
ଏହି ଆମ ଅଙ୍ଗୀକାର ।
ଦେଶର ସମୃଦ୍ଧି ଗୌରବ ନିମନ୍ତେ
ବୃଦ୍ଧି ହେଉ ଦେଶ ପ୍ରେମ ,
ଯା'ର ସାମଗ୍ରିକ ବିକାଶ ନିମନ୍ତେ
ସାର୍ଥକ ହେଉ ଜନମ ।
ଜାତୀୟ ସଂହତି ଭକ୍ତି ସମ୍ମାନରେ
ଦେଶ ହେଉ ଶକ୍ତିଶାଳୀ ,
ଦେଶ ମାତୃକାର ମହତ ସେବାରେ
ଦେବା ଆମେ ଆତ୍ମବଳି ।
