Library
Profile
ଜଙ୍ଗଲ ନିଆଁ
ଜଙ୍ଗଲ ନିଆଁ
ଏବେ ପ୍ରତି ବର୍ଷ ବନ ହୁଏ ଧ୍ଵଂସ
ଲାଗି ଜଙ୍ଗଲ ରେ ନିଆଁ
ଦୁର୍ଲ୍ଲଭ ଦୁର୍ମୂଲ୍ୟ ବନସ୍ପତି ପଶୁ
ପକ୍ଷୀ ଓ ପତଙ୍ଗ ସ୍ୱାହା ।
ହୋଇ ଚାଲି ଥାନ୍ତି ବଢ଼ି ବଢ଼ି ଚାଲେ
ବର୍ଷ କୁ ବର୍ଷ ସମ୍ପ୍ରତି
ଅଧିକାଂଶ ଅଞ୍ଚଳରେ ଅବସ୍ଥିତ
ବନେ ବନ ଅଗ୍ନି ଗତି ।
ପ୍ରଖର ଭାବ ରେ ଅଚାନକ କରେ
ଧ୍ବସ୍ତ ବିଧ୍ବସ୍ତ ଜଙ୍ଗଲ
ସୁବିସ୍ତିର୍ଣ୍ଣ ବନ ନିମିଷେ ଦହନ
କରେ ଏ ବନ ଅନଳ ।
ଆଗରୁ ନ ଥିଲା ସମପ୍ରତି ବଢିଲା
ମନୁଷ୍ୟ କୃତ କରଣୁ
ଗଛ ମୂଳେ ଜମି ଥିବା ଶୁଷ୍କ ତୃଣ
ବୁଦା, ଗୁଳ୍ମ, ପତର ରୁ ।
ଅଗ୍ନି ଲାଗି ଶିଖା ବ୍ୟାପଇ ସହସା
ହୁତୁ ହୂତୁ ହୋଇ ତୀବ୍ର
ଚାହୁଁ ଚାହୁଁ ଦହି ବନ ପଶୁ ପକ୍ଷୀ
ଜୀବ ଜନ୍ତୁ ତରୁ ତୃଣ ।
ବହୁ ସମସ୍ୟା ର ହୁଅଇ କାରଣ
ପରିବେଶ ପ୍ରଦୂଷଣ
ଧୂମ ବଳୟରେ ଅସହ୍ୟ ତାପରେ
ସନତାପେ ପ୍ରାଣୀ ଜୀବନ ।
ଓଜନ ସ୍ତର ରେ ଏହି ବାଷ୍ପ ପୂର୍ଣ୍ଣ
ହୋଇ କ୍ଷୟ କରେ ତାହା
ଦିନୁ ଦିନ ଧରି ବଢ଼ି ବନ ପୋଡ଼ି
ବଢ଼େ ଜୀବ ଙ୍କ ଦୁର୍ଦ୍ଦଶା ।
ବସନ୍ତ ଋତୁ ର ଆରମ୍ଭ କାଳ ରୁ
ଦୀର୍ଘ ବର୍ଷା ଋତୁ ଯାଏଁ
ପ୍ରତି ଦିନ ନାନା ସ୍ଥାନେ ନିତି ନିତି
ବନ ଅଗ୍ନି ଲାଗି ଥାଏ ।
ଯାହା ପାଇଁ ବହୁ ବିଦ୍ଧ ଦୁଃଖ କ୍ଳେଶ
ଅଶାନ୍ତି ଉପୁଜି ଥାଏ
ସବୁଜ ସୁନ୍ଦର ପ୍ରାକୃତିକ ଶୋଭା
ଅବଲୁପ୍ତ ହୋଇ ଯାଏ ।
ଆହା କି କରାଳ ଅତି ଭୟଙ୍କର
କରେ ସବୁ ନାର ଖାର ।
ଜଙ୍ଗଲ ର ନିଆଁ କରଇ ଛlନିଆଁ
ଲିଭାଇ ହୁଏ ନା ତାହା
ଲଗେଇ ଦେଇ ଯେ ମଣିଷ ହିଁ ନିତି
ନାଶଇ ତୁହା କୁ ତୁହା ।
ବର୍ଷା ର ଅଭାବ ଲାଗିଣ ରହିବ
ଜଙ୍ଗଲ ହୋଇଲେ ଶୂନ୍ୟ
ଶିକାର ଓ ପୋଡୁ ଚାଷ ପାଇଁ ନିତି
ହୋଇଣ ଅସାବଧାନ ।
ନାଶି ଦିଏ ଖରେ ନର ଅବିଚାରେ
ପିଶାଚ ସାଜି ଜଙ୍ଗଲ
ଧ୍ବଂସ ହେଲେ ବନ ଯେ କ୍ଷତି ପୂରଣ
କେ ଦେବ ତାହର ମୂଲ ।
ବହୁ ଉପକାରୀ ତରୁ ତୃଣ ଗୁଳ୍ମ
ଔଷଧୀୟ ଆଚ୍ଛାଦିତ
ଅଞ୍ଚଳ ବିନଷ୍ଟ କରି କେଉଁ ଯଶ
ଲଭଇ ନର ପାପିଷ୍ଠ ।
