ବିରହର ଦୁଃଖ
ବିରହର ଦୁଃଖ
ଫଗୁଣର ଫଗୁ ଫୁଲେଇ ହେଉନି
କୁସୁମ କରୁନି କେଳି
ଝାଉଁଳି ଯାଇଛି ଫୁଲ ଗଛ ଡାଳେ
ମନ ଚାଁହୁ ନାହିଁ ମେଳି !
କୋଇଲିର ତାନ ବେସୁରା ଶୁଭୁଛି
ଆମ୍ବ ବନ ଲାଗେ ଖଟା
ଗୁଣୁଗୁଣୁ ଗୀତ ମଧୁପ ଗୁଞ୍ଜନ
ସବୁ ଲାଗେ ଆଜି ଫଟା !
ପ୍ରଜାପତି ଡେଣା ଚିତ୍ର ବିଚିତ୍ର
ଲାଗୁନି ଆଖିକୁ ଭଲ
ମନ ଦରିଆରେ ସପନ ଭାସୁନି
ହୃଦ ହୁଏ ହଲଚଲ !
ଅଦିନ ଶ୍ରାବଣ ଧୋଇ ଦେଲା ସବୁ
ଜୀବନେ ଆସିଲା ଝଡ଼
ବିରହୀ ପ୍ରେମିକା ଭାଙ୍ଗିଛି ସପନ
ଦୁଃଖରେ ମୁଁ ଜଡ଼ଷଡ଼ !
ବିରହର ଦୁଃଖ ବିରହୀ ତ ଜାଣେ
କେହି ପାରେନା ତ ବୁଝି
କିଏ ବୁଝାଇବ ମନକୁ ମୋହର
ବିରହେ ହେଉଛି ଛନ୍ଦି !