ସୁଡ଼ଙ୍ଗ ର ଆରମ୍ଭ

ସୁଡ଼ଙ୍ଗ ଏକ ଗୁପ୍ତ ସ୍ଥାନ

ଯେଉଁଠି କିଛି ଗୁପ୍ତ ଥାଏ

ବିଜ୍ଞାନର ଅପହଞ୍ଚ

ପ୍ରକୃତିର ଗନ୍ତାଘର 

ମଣିଷର ଜୀବନ ଶୈଳୀରେ

ଅନେକ ସୁଡ଼ଙ୍ଗ

କିଏ ଏଠି ବଂଚିବା ପାଇଁ

ସକାଳରୁ ସନ୍ଧ୍ୟା ଯାଏଁ

ପେଟ ପିଠି କୁ ଭାଙ୍ଗି 

ଭୋକିଲା ପେଟରେ ଟିକିଏ ଦାନା 

ଶରୀର ପାଇଁ ଛିଡା ଲୁଗା ଖଣ୍ଡେ

କେତେବେଳେ କିଛି ର ମିଳିବାର ଆଶା

ପୁଣି କେତେବେଳେ କିଛି ନାହିଁ 

ସତରେ ମଣିଷର ଜୀବନ ପାଇଁ

ଅଭାବ ଅନାଟନ ଲାଗିଥାଏ

ବୋଧେ ଆଗକୁ ଯନ୍ତ୍ରଣାର

ସୁଡ଼ଙ୍ଗର ଆରମ୍ଭ।।

ବିଶ୍ବାସର ଅଧାଗଢ଼ା ରାସ୍ତା

କେତେ କୋଶ କୋଶ ବାଟ

ଚାଲି ଚାଲି ପଡୁଛି ଯେ ଥକି

ଦରିଦ୍ରତାର କଷାଘାତରେ

ଗୁପ୍ତ ହୋଇ ଯାଉଛି

ଭବିଷ୍ୟତ ସବୁ ......

ଫିଟିବ କି ଆଉଥରେ

ନୂତନ ଭାବନାର

ଭବିଷ୍ୟତ ସୁଡ଼ଙ୍ଗର ରାସ୍ତା।।

ନୀଚମନା ଅହଂକାର ଅମାନୁଷିକ

ଅଶୁଦ୍ଧ ବାତାବରଣରେ 

‌ହଜି ଯାଉଛି ଆସନ୍ତା ଭବିଷ୍ୟତ

ବିକାଶ ଓ ବିନାଶର ସ୍ପଷ୍ଟ ଚିତ୍ରରେ

ଏ ମଣିଷ ଖୋଜୁଛି

ଏକ ସ୍ବତନ୍ତ୍ର ଓ ନିଆରା ପରିଚୟ

କେଉଁ ଏକ

ଅସହ୍ୟ ଅଜଣା 

ସୁଡ଼ଙ୍ଗର ଆରମ୍ଭ ।।