ଲୁହର ଧାର

ସମୁଦ୍ରର ଲୋଟାଏ ପାଣି

ଆଖିରେ ମୋ ଲୁହ ଧାର

ବୁଝିନପାରି ଟପିଯାଏ

ନିଜ ସୀମାର ଗାର । ୧

ତେଲ ଲୁଣ ପାଣି ଛପର

କାନ କାନ୍ଥର

ଅଟ୍ଟହାସ୍ୟ କରି ଊଡାନ୍ତି

ମୋ ଭଙ୍ଗା ସ୍ୱପ୍ନର

ଆଖିରେ ମୋ ଲୁହର ଧାର ।୨

ବେଙ୍ଗ ଝିଟିପିଟି ଗାଇ

ଚାହାନ୍ତି କେଇ ନାହିଁ

ଦରଭଙ୍ଗା ପାହାଚର ଅବଷିଷ୍ଟାସଂ

ଆଖିରେ ମୋ ଲୁହର ଧାର । ୩

ଚାରି କାନ୍ଥ ମଧ୍ୟରେ

ଗୁମୁରି ଗୁମୁରି ବାସୁଛି

ଝାଳ ମିସା ଲୁଣର ଗନ୍ଧ

ମନରେ କୋହ ଭଟ୍ଟା ଭାଙ୍ଗୁଛି

ମୋ ଆଖିରେ ଲୁହର ଧାର । ୪

କୁତ୍ରିମ ହସରେ ତିଆରି

ଏହି ଆମ ଚାରିପାଖ

କଢ଼େଇ ରେ ସମୁଦ୍ରର ଛୁଙ୍କ

ଅଲଣା ତରକାରିରେ

ମୋ ଆଖିରେ ଲୁହର ଧାର । ୫

କବାଟ ଫାଙ୍କରୁ ସୁବୁଛି

କଇଁ କଇଁ କାନ୍ଦର ସ୍ୱର

ଛପରରୁ ଗଳି ପଡୁଛି

ମୋ ଆଖିରେ ଲୁହର ଧାର । ୬