ଜୀବନ

ନର ପଶୁ ପକ୍ଷୀ   କୀଟ ତରୁ ଲତା

    ସଭିଏଁ ଜୀବନ ପ୍ରାପ୍ତ

ସବୁ ଜୀବନର    ମହତ୍ୱ ଅନେକ

    ବିଭୁ ସତ୍ତା ପରିବ୍ୟାପ୍ତ ||

ତାମଧ୍ୟୁ ମାନବ  ଜୀବନ ଅମୁଲ୍ୟ

    ଈଶ୍ୱରଙ୍କ ଦାନେ ଶ୍ରେଷ୍ଠ

ମୂଲ୍ୟବୋଧ ଯୁକ୍ତ ଜୀବନ ହୋଇଲେ

     ସମାଜେ ହୁଏ ବରିଷ୍ଠ ||

ସବୁରି ଜୀବନ    ଅମୁଲ୍ୟ ରତନ

    ଆଦର୍ଶ ଯୁକତ ହେଲେ 

ଦୟା କ୍ଷମା ନ୍ୟାୟ ତ୍ୟାଗ ସତ୍ୟ ଧର୍ମ

    ଜୀବନେ ପାଥେୟ କଲେ ||

ଦୁର୍ନୀତି ଅନୀତି   ଶୋଷଣ କୁଚିନ୍ତା

    ମନରୁ ଦୂରେଇ ଦେଲେ

ବିବେକ ଇଷାରେ ପଥେ ଆଗେଇଲେ

     ସମାଜ ଚଳାଇ ଭଲେ ||

ଜୀବନ ନାବର     ନାଉରୀ ସିଏତ

     ତାଙ୍କରି ହାତରେ ଡୋରି

ତାଙ୍କରି ଇଛାରେ  ଚାଲେଏ ସଂସାର

     ଵିପଦୁ କରନ୍ତି ପାରି ||

ଜୀବନର ନାଵ    ବାହିନେବା ସବୁ

    ଈଶ୍ୱରଙ୍କ ନାମଜପି

ଦୁଃଖ ରୋଗଶୋକ ଝଡ଼ଝଞ୍ଜାଯେତେ

    ସବୁ ତାଙ୍କୁ ସମରପି ||