ଜୀବନ ସଂଗ୍ରାମର କିଛି ସ୍ମୃତି

ଅତିକ୍ରମ କରି ଆସିଛି ପିଲା ଦିନରୁ ଆଜି ପର୍ଯ୍ୟନ୍ତ ମୁଁ ରାସ୍ତା ଅନେକ ଉତଥାନ ପତନର 

ଭାଇମାନଙ୍କ ମଧ୍ୟରୁ ବଡକୁ ବାପା ସଦା ଚେଷ୍ଟା କରନ୍ତି ଖୁସିରେ ରଖିବାକୁ ଅଧିକରୁ ଅଧିକତର ।

ବୋଉ ତ ସମସ୍ତଂକୁ ଭଲ ପାଏ, ସୁବିଧା ଯୋଗାଏ ଯାହା ମିଳୁଥାଏ ଘର ଭିତର

ପିଲାଦିନର, ପଢା ସମୟର ସାଙ୍ଗ ସାଥି ଆଜି ପର୍ଯ୍ୟନ୍ତ ସାଥି ହୋଇ ତ ଅଛନ୍ତି ମୋର ।

ବିଶ୍ୱାସଘାତକତାର ଚରମ ନିଦର୍ଶନ ପାଇଲି ଓକିଲାତିର ବନ୍ଧୁ ସହଯୋଗୀ ଯେତେ ମୁଁ ଦେଖିଛି

ହଟିନି କେବେ କରନ୍ତୁ ହରକତ ପଛେ, ଯେତେ ସବୁ ବାଘ ଭାଲୁଙ୍କର ହେଣ୍ଟାଳ ରଡ଼ି ଶୁଣି ଆସିଛି ।

ଗୁରୁମାନଂକଠାରୁ ଶିଖିଥିଲି ଜୀବନ ସଂଗ୍ରାମରେ ହାରିବିନି ଅଭିମାନ କରି ମୋ ମନ ଭିତର

ବିଶ୍ଵାସର ବ୍ୟାସାସନେ, କେ ଦେଖୁ ନଦେଖୁ, ପାଇଛି ଅଭିନୟ, ବଂଚି ପାରିଛି ଥିଲା ବଳ ସାଧନାର ।

ଅନୁଶାସନର ଅନୁଶୀଳନରେ ଅଭିମନ୍ତ୍ରିତ ହୋଇଛି, ଜୀବନ କଟାଉଛି ଗୀତିକା ମାଆ ମାଟି ପାଇଁ ଗାଇ

ପ୍ରେମମୟ ପୃଥିବୀ ପାଇଁ ସୁଖର ଛବି ଆଙ୍କିବାକୁ ଶପଥ ନେଇଛି ଭାବର ପସରା କୋଳେଇ ନେଇ ।

ଘରଠୁ ବାହାର ଦୁନିଆଁ, ବନ୍ଧୁ ସହଯୋଗୀ ବିଶ୍ବବିଦ୍ୟାଳୟ ପର୍ଯ୍ୟନ୍ତ ଯେଉଁମାନେ ମୋତେ ଶିକ୍ଷାଦାନ କଲେ 

ଜୀବଜଗତରୁ ଜଡଜଗତ ସମସ୍ତେ ମୋର ଗୁରୁ ଯେଉଁ ମାନେ ମୋ ପ୍ରାଣକୁ ପୁଲକିତ କଲେ ।

ନ୍ୟାୟ ନୀତି ଆଚରଣେ ସଂସ୍କୃତି ଶିକ୍ଷା ଦୀକ୍ଷା ହେବ ତ ସୁରକ୍ଷା ଏ ନୀତି ମୋ ଗୁରୁମାନେ ମୋତେ ଦେଇଛନ୍ତି

ମୋର କୋଟି ଦଣ୍ଡବତ ଯେଉଁମାନେ ମୋତେ ଜୀବନ୍ ମନ୍ତ୍ରରେ ଅଭିମନ୍ତ୍ରିତ କରି ଏତେ ବାଟ ଆଣିଛନ୍ତି ।

ବନ୍ଧୁତାରେ ଯେଉଁମାନେ ଭରଷା ତୁଟେଇଲେ, ଜୀବନ ଥିବା ଯାଏଁ ମୋର ମନେ ରହିଥିବ

ପାଇନାହିଁ ପ୍ରାପ୍ୟ ମୋହର, କରିନି ମନ ମୋ ଉଣା, କିନ୍ତୁ ଛଳନା ସବୁକୁ ମନରୁ ଭୁଲି ନହେବ ।