ସମ୍ବିଧାନ ପ୍ରଣେତା

ସ୍ବାଧୀନ ଭାରତ ଆମେ ନାଗରିକ

   ଆମେରେ ଭଉଣୀ ଭାଇ

ଗୋଟିଏ ଗଛର ଅନେକ ଫୁଲ ତ

   ଗୋଟେ ମାଳେ ଗୁନ୍ଥା ହେଇ ।

ହେଇଛୁ ସ୍ବାଧୀନ କରୁଛୁ ଶାସନ

   ସମ୍ବିଧାନ ଅଛି ରହି

ସମ୍ବିଧାନ ପ୍ରଣେତା ଜନ୍ମଦାତା ତ

   ବି ଆମ୍ବେଦକର ସେହି ।

କୋଟି ପ୍ରଣିପାତ କରୁଛୁ ତାହାଙ୍କୁ 

   ଏଇ ଆମ ମଥା ନଇଁ 

ତାଙ୍କ ପାଇଁ ଆଜି ନିଜ ଅଧିକାର

   ନିଜେ ତ ଯାଇଛୁ ପାଇ ।

କରିଲେ ଆଇନ ପ୍ରଣୟନ ସିଏ

   ହେଉଅଛି କାର୍ଯ୍ୟକାରୀ 

ଉଣେଇଶି ଶହ ପଚାଶ ମସିହା

   ଛବିଶି ଏ ଜାନୁଆରୀ ।

ଜାତୀୟ ପତାକା ତ୍ରିରଙ୍ଗା ଆମର

   ଉଡୁଛି ନୀଳ ଜୀମୁତ

ବିଶ୍ବ ଇତିହାସେ ଅର୍ଜି ଗଲା କୀର୍ତ୍ତି

   ମହାନ୍ ଆମ ଭାରତ ।

ଅଠେଇଶିଟି ରାଜ୍ୟ ସାତଟି ଆମ

   ରହିଛି କେନ୍ଦ୍ରଶାସିତ 

ସାର୍ବଭୌମ ଏଇ ଗଣତନ୍ତ୍ର ରାଷ୍ଟ୍ର 

   ହେଉଛି ଆମ ଭାରତ ।

ଆହୁଲା ଧରିଛୁ କାତ ବି ମାରୁଛୁ

   ବାହୁଛୁ ନାଆ ଆମର

ଆମରି ନାଆରେ ଆମେ ତ ନାଉରୀ

   କାହାକୁ ନାହିଁ ତ ଡର ।

ନିଜ ଜୀବନକୁ ବାଜି ଦେଇ ଆମେ

    ରଖିବୁ ମାତା ସମ୍ମାନ

ମାତାର ମହତ ଆମର ଜୀବନ

   ଆମେ ତ ତାର ସନ୍ତାନ ।

ସ୍ମୃତି ହେଇ ସିଏ ରହିଛି ଆମର

    ଚିର ଦିନ ଥିବ ରହି

ମହାନ ଆମର ଏ ଭାରତ ବର୍ଷ 

   ସଲାମ୍ କରୁଛି ମୁହିଁ ।।