ଜୀବନ ସାଥି

     ତୁମ ପାଇଁ ଆଜି ହସିବା ଶିଖିଲି 

       ପାଇଲି ତୁମକୁ ଯେବେ 

     ବଞ୍ଚିବାର ରାହା ପାଇଗଲି ଟିକେ 

       ଦେଖିଲି ତୁମକୁ ଯେବେ ||

     

      ପାପୁଲିରେ ବୋଧେ ତୁମେ ଥିଲ ସାଥି 

        ଅଙ୍କା ବଙ୍କା କେଉଁ କୋଣେ 

       ଖୋଜି ଖୋଜି ମୁହିଁ ଥକି ଯାଇଥିଲି 

         ଆସି ଗଲ ଏହି କ୍ଷଣେ ||

    

        ପ୍ରେମର ଦୁନିଆ ଏତେବି ସୁନ୍ଦର 

          ଏବେ ଏବେ ଜାଣିଗଲି 

        ଅହରହ ମୁହିଁ ତୁମରି ପ୍ରେମରେ 

          ନିଇତି ବୁଡି ରହିଲି ||

     

        ଏହି ହୃଦୟରେ ତୁମକୁ ରଖିଛି 

          ତୁମ ବିନା କେହି ନୁହେଁ 

        ଜନ୍ମ ଜନ୍ମାନ୍ତର ତୁମେ ଏକା ମୋର 

          ଚାଲୁଥିବା ସାଥି ଦୁହେଁ ||