ଗଣାଧିପ ଆବାହନୀ

 ଜୟ ବିଦ୍ୟାଦାତା ଗଣପତି ବାବା

      ପାର୍ବତୀ ଦେବୀଙ୍କ କୁମାର 

    ତୁମେ ଜ୍ଞାନଦାତା ତୁମେ ସିଦ୍ଧିଦାତା 

       ତୁମେ ପ୍ରଭୁ ଲମ୍ବୋଦର ||

    ସଙ୍କଟ ମୋଚନ ଗଉରୀ ନନ୍ଦନ 

       ସଙ୍କଟରୁ ଦୂର କର 

     ବିଘ୍ନବିନାଶନ ଗିରିଜା ନନ୍ଦନ 

      ସ୍ମରେ ତୁମ ଶ୍ରୀ ପୟର ||

    ପିତା ମହାଦେବ ମାତା ଯେ ପାର୍ବତୀ 

         ଆହେ ପ୍ରଭୁ ଗଜାନନ 

      ଅନ୍ଧାର ପଥରେ ତୁମେ ହିଁ ଆଲୋକ 

         ହେ ପ୍ରଭୁ ଗଜ ନନ୍ଦନ ||

       ସର୍ବ କାର୍ଯ୍ୟରେ ତୁମ ନାମ ଆଗ

           ତୁମେ ହିଁ ସର୍ବ ଦାତା 

       ହୋମ ଆଳତୀରେ ତୁମେ ହିଁ ପ୍ରଥମ 

          ତୁମେ ତ ଜଗତ ଜିତା ||

      ସକାଳ ଧୂପରେ ସଞ୍ଜର ଦୀପରେ 

         ତୁମେ ହିଁ ପ୍ରଥମ ଶ୍ଳୋକ 

       ତୁମ ନାମ ନେଲେ ସବୁ ଜୟ ହୁଏ 

          ଆହେ ମହା ବିନାୟକ ||