" କଳ୍ପ ବଟେ ତୋର ବାନ୍ଧିଲି ଡୋର"

      କଳ୍ପ ବଟେ ତୋର  ବାନ୍ଧିଦେଲି ଡୋର 

            ହେ ପ୍ରଭୁ କଳାଠାକୁର 

      ମୋର ଇଛା ପ୍ରଭୁ   ପୂର୍ଣ୍ଣ କରିଦିଅ 

              ମାନ ରଖ ଏ ଭକ୍ତର  ......||

           ଧାଇଁ ଧାଇଁ ଆସିଛି କେତେ ଦୂରୁ ମୁଁ 

                 ଦେଖିବି ତୋ ଚକା ଆଖି 

           ଗଡି ଗଡି ଯିବି ତୋ ବାଇଶି ପାହାଚ 

                  ତୁହି ମୋର ଖାଲି ସାକ୍ଷୀ ......||

                 

            ରତ୍ନସିଂହାସନ    ତୋ ବେଦୀ ପଲଙ୍କେ 

                  ଟିକେ ଚାହିଁ ଦେବୁ ମୋତେ 

              ସବୁ ଦୋଷା ଦୋଷ କ୍ଷମା କରିଦେବୁ 

                    କୋଳେଇ ନେବୁକି ସତେ ......||

                  ମୋ ତୁଣ୍ଡରେ ଖାଲି ତୋ ନାମ ଜଗା 

                         ଭଜି ଭଜି ଗାଉଥିବି 

                    ହଜି ହଜି ମୁଁ ହଜାଇ ଦେବିରେ 

                           ନିଜକୁ ସମର୍ପି ଦେବି...... ||