ଜୀବନ ମୋ ବିତୁ ଗାଇ ରାମ ନାମ

ରାମ ନାମ ଗାଇ ବିତୁ ଏ ଜୀବନ, ଣୁଣ ଠାକୁର

ହିନ୍ଦୁ  ରତ୍ନ  ମାଳ  ଜଗତ  ଈଶ୍ୱର, କରୁଣାକର ।

ଭକ୍ତି ପ୍ରୀତି ଶ୍ରଦ୍ଧା ଚନ୍ଦନ ଚରଣେ, କୃପା ତୁ କର

ଦିଅ ରାଘବ ହେ ମନୁଷ୍ୟ କର୍ତ୍ତବ୍ୟ, ରଖ ନଜର ।

ଭବ୍ୟଦିବ୍ୟତୋର ନିର୍ମାଣ ମନ୍ଦିର , ଦେଖୁଛି ନେତ୍ର

ଯାହାର ମହିମା ଦେବେ ଅଗଚର, ଲୀଳାର ଚିତ୍ର ।

ଗର୍ଭଗୃହେରାମ ତୋ ପରା ହୋଇବ, ପ୍ରାଣ ପ୍ରତିଷ୍ଠା

ତହିଁ ବାଲ୍ୟରୂପ ଜଗତ ଦେଖିବ, ହୋଇଣ  ନିଷ୍ଠା ।

ଚତୁର୍ଦ୍ଦିଗ ଗୁଞ୍ଜେ ଶ୍ରୀରାମ ଶ୍ରୀରାମ, ବ୍ରହ୍ମାଣ୍ଡ କର୍ତ୍ତା

ଭାରତକୁ ଭର ଠାକୁର କୀର୍ତ୍ତିରେ, କର ତୁ ଜିତା ।

ତୁ ପ୍ରଭୁ ହିଂସା ଅହଂକାର ରାଷ୍ଟ୍ରରୁ , ଦୂର କରିବୁ

ବ୍ରହ୍ମାଣ୍ଡ ଠାକୁର ପ୍ରେମପ୍ରୀତିଶ୍ରଦ୍ଧା, ଦେଶକୁ ଦେବୁ  ।

ଦେଶ  ଶତ୍ରୁଙ୍କର ଭୂମିରୁ ତାଣ୍ଡବ ନାଶ କ ରିବୁ

ବିଭୀଷିକା ତୁହି  ଭ୍ରଷ୍ଟାଚାରୀଙ୍କର, ଚୂର୍ଣ୍ଣ  କରିବୁ  ।

ଶାସନ ଗୌରବ ତ୍ରେତୟା ଯୁଗର ରାଷ୍ଟ୍ରେ ଆଣିବୁ

ଏହୁ ଭାରତ  ଆତ୍ମନିର୍ଭରଶୀଳ  ତୁହି  କରିବୁ ।

ରଖିବୁ ଶାସନେ କର୍ତ୍ତବ୍ୟ କୁ ପ୍ରଭୁ, ସମଭାବକୁ 

ଶାନ୍ତିର ସନ୍ଦେଶ ସଂସ୍କୃତି ସଂସ୍କାର, ଦେବୁ ବିଶ୍ବକୁ ।

କୃତି ଜାତିପ୍ରଥା, ସଂସ୍କୃତି ସଂସ୍କାର , କରିବୁ ଦୂର 

ଆଣୁଛି ଏହୁରେ ରାଷ୍ଟ୍ରର ବିକାଶେ, ଘନ ଅନ୍ଧାର ।