ଝୁରି ହେଲି ତୁମ ପାଇଁ
ଝୁରି ହେଲି ତୁମ ପାଇଁ
ତମ ନାଆଁ ଜମା ଧରିବିନି ବୋଲି
ପଣ କରିଥିଲି ମୁହିଁ ,
ଦିନ କେତୁଟାରେ ସବୁ ଭୁଲିଗଲି
ଝୁରିହେଲି ତୁମ ପାଇଁ ।।
ଖାଆଁ ,ଖାଁ ଲାଗିଲା ଯମୁନାର ତଟ
କୁଞ୍ଜବନ ଶିରିହୀନ ,
କୋଟି ଯୁଗପ୍ରାୟ ମନେହେଲା ପରା
ମୋତେ ସାରା ରାତି ଦିନ ।।
ରୁଚିଲାନି ଅନ୍ନ ବ୍ୟଞ୍ଜନ ତ କିଛି
ହୃଦୟ ହୋଇଲା କୋରି ,
ଅଚାନକ କିଛି ଅମୂଲ୍ୟ ସମ୍ପତ୍ତି
ଜାଣି ହଜେଇଲା ପରି ।।
ନୟନରୁ ନିଦ ହଜିଗଲା ମୋର
ଦେହ ହେଲା ଅସକତ ,
ସବୁ ଉପଚାର ବିଫଳ ହୋଇଲା
ତୁମ୍ଭକୁ ଲୋଡିଲା ଚିତ୍ତ ।।
ଭାଙ୍ଗିଗଲା ମୋର ସବୁ ଦମ୍ଭ ଏବେ
ତୁମଠାରୁ ଗଲି ହାରି ,
ତଵ ଆଲିଙ୍ଗନ ଦିଅ ପ୍ରାଣବନ୍ଧୁ
ହୃଦୟ ମୋ ଯାଉ ଭରି ।।
ବି ନିରୁପମା।
ମାମୁରିଆ, ଛେଣ୍ଡିପଦା,ଅନୁଗୋଳ ।