Library
Profile
ଝରକାର ଆରପାଖେ
ଝରକାର ଆରପାଖେ
ନିତି ସଞ୍ଜ ସକାଳେ
ତୋତେ ମୁଁ ଦେଖେ
ଝରକାର ଆରପାଖେ
ଦେଖି ଦେଲା ପରେ ତୋତେ
ମୋ ମନ ହୃଦୟ ଖାଲି
ଘୂରିବୁଲେ ତୋ ପାଖେ ପାଖେ
ଯେତେ ଯେତେ ତୋତେ ମୁଁ ଦେଖେ
ନିଶାଚର ପ୍ରାଣୀ ପରି ଅନିଦ୍ରା ରେ
ତୋ ରୂପ ଚେହେରା କୁ ଦେଖେ
ମୋ ପାଖେ ପାଖେ
ହେଲେ ତୁ ଥାଉ ଝରକାର ଆରପାଖେ
ମୋତେ ଲାଗେ ତୁ ଅଛୁ ମୋ ପାଖେ ପାଖେ ।
ତୁ ଥାଉ ଝରକାର ଆର ପାଖେ
ତୋ ଦେଖିବା ବାହାନାରେ
ମୁଁ ଉଣ୍ଡେ ଯାଇ ତୋତେ ଖରାବେଳଟାରେ
ତୋ ଝରକା ଫାଙ୍କେ
ପର୍ବ ପର୍ବାଣୀ ରେ
ତୋ ହସିଲା ମୁହଁକୁ ଟିକେ ଦେଖେ
ଜାଣି ନ ଜାଣିଲା ପରି ଦୂରରୁ ଥାଇ
ମୁହଁ ମୋଡି ଦାନ୍ତ ନେଫେଡି
ଦେଉ ଯେମିତି ମୋତେ
ପ୍ରେମର ତୋର ଜବର ଧକେ
ଏ ମନ କ'ଣ ଆଉ ବୁଝୁଛି
ମୁଁ ରହିବି ଝରକା ଏପାଖେ
ଆଉ ତୁ ରହିବୁ ଝରକାର ଆରପାଖେ ?
ତୋର ମୋର ମିଳାମିଶା କୁ
ଆଜିକାଲି ଆଉ ପସନ୍ଦ
କରୁ ନାହାଁନ୍ତି ଲୋକେ
ବୁଢା ତ ବୁଢା ସହି ନ ପାରନ୍ତି
ଆମ ସାହିର ମୋ ସାଙ୍ଗ ସାଥୀ ଟୋକେ
ବେଶୀଦିନ ଆଉ ତୁ ରହୁବୁନି
ଝରକାର ଆରପାଖେ
ବାପା ବୋଉଙ୍କୁ କହି
ନାହାକ ପଣ୍ଡିତ ଡାକି
ତିଥି ବାର ଟିକେ ଦେଖେ
ଏସନ ନହେଲେ ଆର ସନକୁ
ହାତ ଗଣ୍ଠି ତ ଆମକୁ ଡାକେ
ତୁ କହିବୁ କିଛି ଆଉ ମୁଁ କହିବି କିଛି
ମିଳନର ପର୍ବ ଆମ ପାଖେଇ ଆସୁଛି
ନ ରହିବୁ ତୁ ଆଉ
ଝରକାର ଆରପାଖେ
ଆଉ ଦାଣ୍ଡରେ ହାଟରେ
ନ କହିବେ କିଛି ଲୋକେ ।
