Library
ଜଗନ୍ନାଥ ଜଗନ୍ନାଥ ପଡୁଛିରେ ହୁରି
ଜଗନ୍ନାଥ ଜଗନ୍ନାଥ ପଡୁଛିରେ ହୁରି
ଜଗନ୍ନାଥ ଜଗନ୍ନାଥ
ପଡୁଛିରେ ହୁରି
ଜଗନ୍ନାଥ ଆସୁଛନ୍ତି
ମନ୍ଦିରୁ ବାହାରି
ଭକତଙ୍କ ଖୁସି ପାଇଁ
ଗହଳି ଲଗାଇ
ହଲିଝୁଲି ଆସୁଛନ୍ତି
ଜଗତ ଗୋସାଇଁ
କଳା ବଦନକୁ ଦେଖି
ଆତ୍ମା ଯାଏ ଭରି
ଜଗନ୍ନାଥ ଜଗନ୍ନାଥ
ପଡୁଛିରେ ହୁରି।
ବିଶ୍ଵ ବ୍ରହ୍ମାଣ୍ଡରେ ନାହିଁ
ଏମିତି ଠାକୁର
ଥରେ ଯିଏ ଦେଖିଦିଏ
ମନ ତା ବିଭୋର
କି ଯାଦୁ ରଖିଛି ସେହି
କାଳିଆ ଠାକୁର
ସର୍ବ ଧର୍ମ ଭକ୍ତ ଜନେ
ଅଟେ ଆପଣାର
ଭକ୍ତ ଜନେ ମନ ଯାଏ
ପୁଲକରେ ଭରି
ଜଗନ୍ନାଥ ଜଗନ୍ନାଥ
ପଡୁଛିରେ ହୁରି।
ଭକତ ଜୀବନ ଧନ
ଭକତଙ୍କ ମଣି
ନନ୍ଦିଘୋଷ ଅଟକାଅ
ଭକ୍ତ ମନ ଜାଣି
ଛୁଆଁ ଅଛୁଆଁର ଭେଦ
ନାହିଁ ତୋ ଦାଣ୍ଡରେ
ଟାଣି ଆଣୁଥାଅ ପ୍ରଭୁ
ସେ ଚକା ଆଖିରେ
ଭକତଙ୍କ ପାଇଁ କାନ୍ଦେ
ଅନ୍ତର ତୁମରି
ଜଗନ୍ନାଥ ଜଗନ୍ନାଥ
ପଡୁଛିରେ ହୁରି।
ତୁମରି ଇଚ୍ଛାରେ ଚାଲେ
ଏ ସାରା ଜଗତ
ସେଥିପାଇଁ ତୁମ ନାମ
ଅଟେ ଜଗନ୍ନାଥ
ଭକ୍ତ ପାଇଁ ଭଗବାନ
ଏ ଳୀଳା ତୁମରି
ଖୋଲାରେ ଦର୍ଶନ ଦିଅ
ହେ ବିଶ୍ଵ ବିହାରୀ
ସଂସାର ମଙ୍ଗଳ ପାଇଁ
କରୁଛି ଗୁହାରି
ଜଗନ୍ନାଥ ଜଗନ୍ନାଥ
ପଡୁଛିରେ ହୁ
