ଜଗନ୍ନାଥ ହେ, ଶୁଣ ଗୁହାରୀ !

ମାଗୁ ନାହିଁ ଧନ

ଚାହୁଁ ନାହିଁ ରତ୍ନ

ଅଟେ ମୁହିଁ ହୀନ

ନାହିଁ ମୋର ଜ୍ଞାନ,

ଭକ୍ତ ଭକ୍ତି ଘେନ

ହେ ମଧୁସୂଦନ,

କରୁଛି ପୂଜନ

ପ୍ରେମ ପ୍ରୀତିରେ !

ଅନାଦି ଅନନ୍ତ

ନାହିଁ ତୋର ଅନ୍ତ

ତୁହି ନିରାକାର,

ଜଗତ ଈଶ୍ୱର

ଅଦୃଶ୍ୟ ଆକାର,

ହେ କରୁଣାକାର

ଡାକେ ଅନ୍ତରେ !!

ଜଗନ୍ନାଥ ହେ, ଶୁଣ ଗୁହାରି...........

.

ତୁହି ପ୍ରଭୁ କୃଷ୍ଣ

ଅଟୁ ପରା ରାମ

କାଳିଆ ଠାକୁର,

ତୁହି ଦାରୁବ୍ରହ୍ମ

ଶୂନ୍ୟବ୍ରହ୍ମ ତୁହି

ନର ରୂପ ଧରି

ପାପ ବିନାଶନେ

ମର୍ତ୍ତ୍ୟରେ ଜନ୍ମ,

ବୃଦ୍ଧ ଏ ବୟସ

ନାହିଁ ଟି ହରଷ

ଅତିହିଁ ବିକଳ,

ତାଣ୍ଡବ ପ୍ରବଳ

ସଂସ୍କୃତି ସଂସ୍କାର

ଭୁଲେ ସନାତନ

ହୁଏ ଦେଖି ସ୍ତବ୍ଧ

ଚକାନୟନ !!

ଜଗନ୍ନାଥ ହେ, ଶୁଣ ଗୁହାରି............।।