Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sangeeta Barik

Abstract

4.0  

Sangeeta Barik

Abstract

ଜେଜେ

ଜେଜେ

1 min
204



ପ୍ରଣାମ ଘେନିବ ଜେଜେ

   ପ୍ରଥମେ ଚିଠିରୂ,

ଭରିଛି ଭକ୍ତି ସମ୍ମାନ

   ହୄଦୟ କନ୍ଦରୁ ।


ଦେଖିବା ପୂର୍ବରୁ ମୋତେ

  କିଆଁ ଛାଡି ଗଲ,

ତୁମ ସ୍ନେହ ଶ୍ରଦ୍ଧା ପାଇଁ

   ହୁଏ କଲବଲ ।


ଯେବେ ଥାପିଥିଲି ପାଦ

  ପ୍ରଥମେ ମହୀରେ,

ଆତ୍ମୀୟ ସ୍ଵଜନ ଠାରୁ 

   ଥିଲ ତୁମେ ଦୂରେ ।


ପଡିଉଠି କେତେ ମୁହିଁ

   ଚାଲିବା ଶିଖଲି,

ଦରୋଟି ଭାଷାରେ ପୁଣି

  ଭାଷା ମୁଁ ଭାଷିଲି ।


କେମିତି ପାରିଲ ତେଜି

  ଏତେ ସବୁ ମୋହ,

ଆସିବା ଆଗରୁ ମୋର

   ଛାଡିଦେଲ ଦେହ ।


ଶୁଣି ନାହିଁ ଗପ ଗୀତ

   ପାଖେ ତୁମ ବସି,

କୋଳେଇ ନେଇନ କେବେ

    ମୁଣ୍ଡ ମୋ ଆଉଁସି ।


ଛୁଇଁ ନାହିଁ କେବେ ତୁମ

   ପାବନ ପୟର,

ଦେଇନ ଆଶିଷ ମୋତେ

   ଶିରେ ରଖି କର ।


ବାପା ବଡବାପା ଠାରୁ

   କଥା ମୁଁ ଶୁଣିଛି,

ନୟନେ ଦେଖିବା ପାଇଁ

   ବ୍ୟାକୁଳ ହୋଇଛି ।


ସମୟ ସାଥିରେ ଆଜି

   ଭରା ମୋ ସଂସାର,

ସ୍ଵାମୀ ପୁତ୍ର ସାଥେ ସୁଖେ

   କରିଅଛି ଘର ।


ତଥାପି ସେ ଶୂନ୍ୟ ସ୍ଥାନ

   ଏବେବି ଅପୂର୍ଣ୍ଣ,

ଜେଜେ ଜେଜେ ଡାକି ହୄଦ

   କରଇ କ୍ରନ୍ଦନ ।


ମନକଥା କହିବାକୁ

   ଲେଖିଲି ମୁଁ ଚିଠି,

ସ୍ଵର୍ଗପୁରେ ଘର ତୁମ

   କେ ପାରିବ ଉଠି ।


ଆସନ୍ତ କି ଜେଜେ ତୁମେ

   ସପନରେ ମୋର,

ଚିଠି ନେଇ ମୋର ହସ୍ତୁ

   କରନ୍ତ ଆଦର ।


ତୁମ ଅପେକ୍ଷାରେ ଚିଠି

   ରଖିଲି ସାଇତି,

ନମନ କରି ମୁଁ ପୁନଃ

   ଲେଖା କଲି ଇତି ।



Rate this content
Log in