ଇତି ମୁଁ ତୁମର ପ୍ରୀତି

ଆଖି ପଲକରେ ସପନ ଅଗଣା

ସପନେ ତୁ ପାଟ ରାଣୀ, 

ମୁହୂର୍ତ୍ତଟେ ତୋତେ ଦୂରେଇ ପାରେନା

ପ୍ରତି ସ୍ପନ୍ଦନେ ତୋ ବାଣୀ ।। 

ଯୌବନ ବନର କଅଁଳ ଫୁଲ ତୁ

ମୁଁ ପରା ତୋର ମାଳି, 

ତୋଳି ନେଲେ କାଳେ ଝାଉଁଳି ଯିବୁ ତୁ

ଜଗୁଥିବି ସାରା ଓଳି ।। 

ରାଜ ମହଲର ଅସରା ସମ୍ପଦ 

କହୁନି ଦେବି ମୁଁ ଆଣି, 

କହୁଛି ତୋ ପାଇଁ ହୃଦୟ ବେଳାରେ

ପ୍ରୀତି ଝର ଦେବି ଟାଣି ।। 

ଚନ୍ଦ୍ର ସାଜି ପ୍ରୀତି ଜୋସ୍ନା ଢାଳୁଥିବି

ତୋତେ ଚାହିଁ ସାରା ରାତି,

ତୋ ପ୍ରଶ୍ନମାଳାର ଉତ୍ତର ଟିଏ ମୁଁ

ଇତି, ମୁଁ ତୁମର ପ୍ରିତୀ ।।