ହତଭାଗା ଜୀବନ

ହତଭାଗା  ଜୀବନ ଅତୀବ କଠିନ

ଯେଉଁଡ଼ାଳ ଧରେ ଭାଙ୍ଗେସେ ଡାଳ,

ପ୍ରତି ଟି ମୁହୂର୍ତ୍ତ କଷ୍ଟରେ କଟଇ

ଭାଗ୍ୟ ଫଳ ଯେହ୍ନେ ଶୂନ୍ୟ କେବଳ l

ଗୋଟେ ପଟେ ଭାଗ୍ୟ ଅନ୍ୟ ପଟେ କର୍ମ

ଚାଲିଥାଏ ଟଣା ଟଣି ପ୍ରବଳ,

କର୍ମ ଜିତିଗଲେ ଭାଗ୍ୟଟି ସୁଧୁରେ

ହତଭାଗା ପାଏ ମନରେ ବଳ l

ଜୀବନ ଟି ତାର କଣ୍ଟକରେ ଭରା

ପାଦେ ପାଦେ ସହେ କେତେ କଷଣ,

କେଉଁ ଜନ୍ମ ପାପ ଭୋଗୁଥାଏ ସିଏ

ଜାଣିପାରେନାହିଁ ତା ଦୁଃଖୀ ମନ l

ହତଭାଗା ଟିଏ ପିଲାଟି ଦିନରୁ

ବିଦ୍ୟାଳୟ ଛାଡି ବାସନ ଧୁଏ,

ଖଟୁଥାଏ କାହିଁ ପରଘରେ ଯାଇଁ

ଅବା କେତେବେଳେ ଜରି ଗୋଟାଏ l

ଆହା ପଦ ତାକୁ ମିଳେନି କାହାଠୁ

ଭୋକ ଯନ୍ତ୍ରଣା ଯେ ତା ସାଥୀହୁଏ,

ଅନ୍ୟରଦୟା ରପାତ୍ର ହୋଇଥାଏ

ହସିବାକୁ ଟିକେ ସେ ଭୁଲିଯାଏ l

ମନର ବଳରେ ସହି ସହି ଦୁଃଖ

ଆଗେଇ ଥାଏ ସେ ଜୀବନ ଟିରେ,

ଏକା ପ୍ରଭୁ ଦୟା ହୋଇଲେ ତାହାରେ

ଜୀବନ ଟି ତାର ଟିକେ ସୁଧୁରେ ll