ହୃଦୟର ସଂଗୀତ

ତୁମେ ପଢ଼ କି ନ ପଢ଼

ତୁମ ପାଇଁ ଲେଖିବି ମୁଁ କବିତା

ତୁମେ ମୋ ଜୀବନର ଧାରା ।।୧।।

ତୁମେ ଦେଖ କି ନ ଦେଖ

ତୁମ ପାଇଁ କରିବି ମୁଁ ଅଭିନୟ

ତୁମେ ମୋ ମନ ପରଦାର ପରିଚୟ ।।୨।।

ତୁମେ ଧରା ଦିଅ କି ନ ଦିଅ

ତୁମ ପାଇଁ ପଛେ ଯାଏ ମୁଁ ଥକି

ତୁମେ ମୋ ହୃଦୟ ଗଗନର ପକ୍ଷୀ ।।୩।।

ତୁମେ ଶୁଣ କି ନ ଶୁଣ

ତୁମ ପାଇଁ ଗାଇବି ମୁଁ ଗୀତ

ତୁମେ ମୋ ହୃଦୟର ସଂଗୀତ ।।୪।।

ତୁମେ ବାସ କି ନ ବାସ

ତୁମକୁ ଚାହିଁ ସରି ଯାଉ ମୋ ବୟସ

ତୁମେ ମୋ ଜୀବନ ଅଗଣାର ତୁଳସୀ ବୃକ୍ଷ ।।୫।।

ତୁମେ କୁହ କି ନ କୁହ

ତୁମ କଥା ଶୁଣିବାକୁ ଚାହିଁଥିବି ବସି

ତୁମେ ମୋ ଜୀବନ ନିଃସଙ୍ଗତାର ହସଖୁସି ।।୬।।

ତୁମେ ରୁହ କି ନ ରୁହ

ତୁମ ପାଇଁ ତୋଳିବି ମୁଁ ରୂପେଲି ନଅର

ତୁମେ ମୋ ମନ ମନ୍ଦିରର ଚଳନ୍ତି ପ୍ରତିମା ।।୭।।

ତୁମେ ଚାଲ କି ନ ଚାଲ

ତୁମ ପାଇଁ ବୁଣିବି ମୁଁ ଫୁଲର ଗାଲିଚା

ତୁମେ ମୋ ଜୀବନର ପଥ ପ୍ରଦର୍ଶକ ।।୮।।