ଭାବନାରେ ତା'ର
ଭାବନାରେ ତା'ର
ଭାବନାରେ ତାର ମୋ ଦିନ ଆରମ୍ଭ
ତା ସ୍ୱପ୍ନରେ ଶେଷ
ପ୍ରତିକ୍ଷଣ ଚାହେଁ ଦେଖିବାକୁ ପ୍ରାଣ
ତା' ଓଠରେ ଟିକେ ହସ ।
ଅଭିମାନ ଭରା ତା' ମିଛ ରାଗରେ
ଥାଏ ଅଗଭୀର ପ୍ରେମ
ଫୁଲେଇ ହୋଇ ସେ ଖୋଜେ ଖୋସାମତ
ଛାଡି ଦେଇ ସବୁ କାମ ।
ରାଗି ଗଲେ ଥରେ ମୁଁହ ସେ ଫୁଲାଏ
କଥା ହୁଏ ନାହିଁ ଆଗ
କ୍ଷମା କରେ ନାହିଁ ବିକଳ ହେଇ କି
ଯେତେ ତମେ ଭୁଲ ମାଗ ।
କେଉଁ ଧାତୁରେ ଗଢ଼ା ସେ ହେଇଚି
ପାରୁନି ଏ ଯାଏଁ ବୁଝି
ସେଥି ପାଇଁ ବୋଧେ ଭଲ ଏତେ ପାଏ
ତା' ଭାବନାରେ ହଜି ।
ତା' ସହ ଥରେ କଥା ନ ହେଲେ
ଦିନ ମୋର ସରେ ନାହିଁ
ସବୁ ଜାଣି ସେ ଯେ ଅବୁଝା ହୁଏ
ଟାଣି ପ୍ରେମର ସାରଣୀ ।