ହୃଦୟ

ହୃଦୟର ଦୁଃଖ ଜଣାଉଛି ପ୍ରଭୁ

   କାହଁକି ହୁଅ ନିର୍ଦ୍ଦୟ 

ଶୁଣିଥିଲି ଭକ୍ତ ଆକୁଳେ ଡାକିଲେ

   ହୋଇଥାଅ ହେ ସଦୟ।। 

ମାନବ ଜନମ ଦେଇ ପ୍ରଭୁ ତୁମେ

   ହୃଦୟ ଦେହେ ଖଞ୍ଜିଲ

ସେଇ ହୃଦୟରେ ଏତେ ଦୁଃଖ କଷ୍ଟ

   କାହିଁକି ହେ ଭରିଦେଲ।। 

ପିଲାଟି ଦିନରୁ ତୁମକୁ ସେବିଛି

  କେବେ କରିନାହିଁ ଉଣା

କାହିଁକି ପ୍ରଭୁ ହେ ଦୁଃଖ ସରେ ନାହିଁ 

  ବୋହେ ଲୁହର ଝରଣା।। 

କେତେଥର

Advertisement

ମୋର ହୃଦୟ ଭାଙ୍ଗିଛ

  ଦେଇଛ ଦୁଃଖ ଯାତନା

ସଂସାର ଜଞ୍ଜାଳେ କର୍ତ୍ତବ୍ୟ କରିଣ

   ତୁମକୁ କେବେ ଭୁଲେନା।। 

ଯାହା ଦୁଃଖଦେବ ଦିଅ ମୋତେ ପ୍ରଭୁ 

    ସରବେ ହୁଅନ୍ତୁ ସୁଖୀ

ହୃଦୟ ମୋହର ପ୍ରଶାନ୍ତି ଲଭିବ 

   ସଭିଙ୍କର ସୁଖ ଦେଖି।। 

ଏତିକି ସୁଦୟା କର ମହାବାହୁ

   ଜଣାଏ ପଦେ ମିନତି 

ତୁମ ନାମ ସଦା ତୁଣ୍ଡରେ ମୋର ଥାଉ

   ହୃଦୟେ ମରୁ ତୃପତି।।